🔥💕韓宮宴炭火烤肉（下沙kkone），今次美團團購嘅新品岩鮮雙人餐$192真係抵到爛！🍗 食肉獸必試🥳
先講呢個超值套餐內容，實在豐富到俾人驚喜連連🤩：足足有五大盤肉
✨招牌烤肥牛蘸麻醬，望落去好肥吓，入口即溶，油脂豐腴，係啱啱好嘅「肥」享受；
✨瘦牛肉質紋理分明，薄切嘅牛板鍵，咬勁十足；
✨厚切五花肉當之無愧網友推薦 TOP.1 ，燒至微焦帶脆，層次感滿分🍖
✨黑椒雞腿肉，嫩滑口感加上香辣黑椒味👌
✨特味肥牛亦唔容忽視，都係偏肥嘅肥牛，再加上一啲醬汁
主食方面，可以揀石鍋飯或泡菜豬肉豆腐湯。我哋揀咗泡菜豬肉豆腐湯，熱辣辣、好足料，酸酸辣辣超醒胃
多樣食品都可以任續，例如甜甜嘅南瓜湯、新鮮爽脆生菜真係包咩都掂，涼拌豆芽、雲絲清爽可口，泡菜亦都酸甜適中，仲有隨時加添嘅雞蛋羹滑溜溜、芝士玉米粒甜滋滋，雖然芝士份量略嫌不足，但依然唔影響整體嘅美味體驗。
不得不提嘅係店員貼心服務，全程幫手燒烤，技術一流👍。最後我哋兩個人都頂唔順咁多美食攻勢，剩番一盤肉，建議燒熟打包拎走，環保節約唔怕浪費！
飲品方面，水蜜桃汁清新甜美，加入冰塊更好飲🍹。
總括而言，韓宮宴炭火烤肉（下沙kkone）不單止食材種類繁多，最鍾意佢係用炭火烹飪，BBQ燒乜嘢都係咁香口，加上無限續加嘅配菜同泡菜，性價比爆燈，值得畀足5粒星🌟！
#想去就去
#foodiemap #吃貨地圖#親子活動 #聚會好去處 #姊妹打卡 #hkfoodie #hkfood #深圳打卡 #打卡餐廳推薦 #ulifestyleapp #UBlog #吃貨地圖深圳 #韓宮宴炭火烤肉
