2024/06/07

2023韓國慶州兩天行程規劃分享 01

第一次到韓國 #一個人旅行，除咗首爾，都想睇一些特色景點，所以最後都選了慶州。由首爾站坐2小時 KTX 列車就抵達新慶站，再坐約30分鐘巴士就抵達舊慶州站，而主要景點都在附近，景點幾密集，唔使將時間浪費喺交通上。抵達時已經下午。見附近有好多單車出租店，所以就租單車遊城區。唔想騎單車？乘坐10號、11號公車都可；附近都好多電動滑板車，下次試吓租唔租到。 > 大陵苑門旁有好多餐廳，醫肚隨時得大陵苑是埋葬新羅王、妃子、貴族的墓園。公園裡有多個不同大小的山丘，同中國墓地設計不同，共通點就係山明水秀。 > 苑內最後盛開的櫻花樹🥺🌸 > 大陵苑完全沒有墓地陰森的感覺瞻星台好近大陵苑，騎單車5分鐘就到。瞻星台是古代天象台，用來觀察星象。沿途見到油菜花田，即刻衝入去影相打卡，超有感。🥰🥰 > 因為太近，可以一到 > 見到油菜花田，即刻衝入去影相，第一次見咁大片花田，正。慶州校村大約10分鐘單車🚴‍♀️ 車程，就到達慶州校村。校村包括古代貴族崔氏古宅和鄉校等，大多數古宅都改建成小食店及特色商店，遊客可以體驗製作年糕等活動。 > 校村不大，古屋都改建了餐廳，因為好近其他景點，值得一去。 > 漫步月精橋都幾寫意。月精橋由校村行5 分鐘就到達月精橋，好有古代建築特色，環境好靚，好舒服。雁鴨池重頭戲，又名「東宮和月池」，是皇太子、皇位繼承人居住的地方，月池晚上10鐘關門，晚上入院，感覺唔同。遊客多，原來大家都係「捕住」夜晚入院。👍🙌 > 東宮面積不大，但設計，環境明顯是古代貴族住宅 > 如果影到水中倒影更正以上景點部分需要入場費，大多約20港幣，好值得。想醫肚，可以試吓大陵苑附近的「淑英食堂」，非常出名。屋仔細細分了幾間房，叫咗個套餐，係非常傳統嘅韓國菜式。大醬湯偏鹹，但好好味。價錢唔貴港幣$100有找。早到早享受。想掃街，可以行慶州中央市場，比起首爾的市場，中央市場規模細好多。反而在大陵苑附近有條街有好多餐廳同文青小店，嗰邊搵嘢食好容易。👍 > 幸運來得早，不用排長龍住宿：舊慶州站附近好多酒店、餐廳。酒店價錢亦唔貴，性價比好高。 > 酒店有轉車站，搭公車好方便，附近有好多小店食飯，不過九點就會關門，大家小心至於第二日行程，可以乘坐公車遊佛國寺、世界知名的良洞村等等，玩到一天，下次再報告。今次慶州旅行好開心，感覺去了輕井澤，因為景點好近，但各有特色。起初以為慶州是冷門旅遊點，原來整個區域都已經列入「世界文化遺產」，好多外國人都鐘意來，可能係大家近年都睇得太多韓劇了。🤩🤩 #慶州 #韓國 #一個人旅行 #慶州名勝 #尋找你的旅行背包 #韓國 #行程 #慶州 #南韓 #一個人旅行 #首爾行程 #窮遊 #尋找你的旅行背包 #trip #慶州名勝 (此文章由U Blog 同步發佈至社群)...更多