Fine dining 🍽樓上café

近排fine dining🍽 喜歡上樓上舖，因為相比地舖以同一價錢，所食到嘅質素會高啲，今次就搵到呢間確係唔錯，所以想介紹俾大家 🧀🥗四川布拉塔乳酪沙律＄108 乳酪質地柔軟順滑，食落乳脂醇香濃郁，醬汁Fusion咗四川麻辣醬加黑醋，非常特別嘅配搭，做開胃前菜一流 🦐🍝西班牙紅蝦扁意粉＄328 刺身級嘅紅蝦，煎到七成熟啱啱好，蝦頭內嘅汁非常juicy，服務員建議可以唧落意粉又或者直接用口啜，我哋就直接啜，食到非常濃郁嘅蝦味，蝦肉爽彈juicy，配料有好多番茄仔、番紅花、苜蓿芽及食用花；意粉醬汁係非常香濃嘅蝦汁，扁意粉質地亦做到啱啱好 ⛩🍝北海道海膽帆立貝幼蛋麵＄198 大大舊creamy 濃香海膽及鮮甜度高嘅帆立貝，配上番紅花、苜蓿芽及食用花，蛋麵滑溜得嚟又有少少爽口；擺盤超靚，打卡一流之餘仲好好味，好高級嘅日系料理風格 🌼☕桂花薑蜜牛奶咖啡＄68 濃濃嘅桂花香味，咖啡亦非常出眾香濃，微甜好正 🌿🍷Classic hand crafted mulled wine＄88 成棵rosemary 插响杯mulled wine 喥好有氣勢😂，用香料煮過嘅紅酒，，所以聞落及飲落都有淡淡rosemary味道，酒裏面仲有檸檬及紅莓，飲落好暖身，而且感覺上仲好保身添😝 食得出呢間店舖所選用嘅食材非常新鮮及高級，如果响地舖一定會收得好貴，但正正因為上樓舖嘅關係，價格會比地舖相宜 📍Layback Cafe & Bar 銅鑼灣耀華街3號百樂中心17樓02-03號舖 #銅鑼灣美食 #相機食先 #打卡美食 #cafe #Fusion菜 #Layback Cafe & Bar #Fine dining #酒吧 (此文章由U Blog 同步發佈至社群)