北海道向日葵祭🌻在花海中心呼喚愛😆

本人為了加入社群創作有價企劃行列,決定運用自身的日文一級能力,致力為大家上網搜羅與日本景點有關的優惠情報,再在U Lifestyle 作出分享｡務求讓大家慳得一蚊得一蚊,做旅遊精明消費達人! ———————— 今次要介紹既就係北海道既一個向日葵祭🌻 我會選擇介紹佢, 除咗因為佢靚之外, 睇花黎講佢既附加節目其實都算多元化｡ 平平無奇就咁叫你地去睇花既, 就唔洗睇我介紹啦,係咪? 第38回北海道北龍町向日葵祭 地點:北海道雨竜郡北竜町板谷143-2 日期:20/7-18/8 時間:8:00-18:00 官網其實都有講, 要睇最靚, 開得最多既向日葵既話, 建議大家8月頭去,一定睇到 ｡ 上年既經驗係佢7月底向日葵祭開始既時候都慢慢開緊, 2/8開得最靚, 9/8向日葵就開始出現低頭了 ｡ 我個人覺得, 去得呢個向日葵祭一定要衝住向日葵最靚既時期去, 因為成片向日葵花田先係最澎湃! 至於其他佢搞既活動你可以當bonus咁玩 ｡ 呢個地方有一堆每年都搞既常設event同埋今年獨有既event｡ 詳見圖2張海報 ｡ 常設event中我覺得個迷宮同果架向日葵車一定要玩下既 ｡ 佢迷宮有分兩個, 300YEN入場費, 每個收費, 每年條迷宮路都係重新設計過 ｡ 遊走在花海中間其實仲有個故事性既解謎遊戲, 就算唔識日文, 唔玩佢d解謎遊戲, 淨係去打卡賞花其實都唔錯 ｡ 咁高咁大塊既向日葵田, 喺香港要搵都難 ｡ 另外,坐上佢架向日葵車後, 就可以帶你繞場一周(見圖3), 感受整片花海既震撼 ｡ 另外, 你睇番圖2佢個節目表, 唔同日子都有少少特別｡ 16/8個北龍盆舞大會其實應該幾好玩, 但亦都恐防啲花已經開始謝 ｡ 以花為首選的話, 可以考慮音樂會既27/7､派米既2/8､劍玉既4/8､8月初既蜜瓜祭｡ 呢度雖然唔係咩大型公園, 但佢都算搞得有誠意既 ｡ 去開北海道咪考慮下呢個另類遠離煩囂既選擇啦 ｡ == == == == == == == 向日葵🌻花語:愛慕､沉默的愛 在花海當中呼喚愛之餘,亦可以表達愛❤️ == == == == == == == 去開日本玩既可以睇埋我另外一啲post, 全部都幾有趣既分享黎架! 想知道更多日本新奇有趣既event記得關注我啦‼️你既關注為我帶來寫文章既動力🤝 ———————— 所有圖片來自官網(https://portal.hokuryu.info/sunflower_festival/)｡ ———————— 如果大家見到有咩優惠/活動,但因為日文而唔識睇,可以話我知,我可以繼續出POST 話俾大家知｡ 想知更多優惠/活動資訊,就FOLLOW 我俾D動力我啦! THANKS. #日本好去處#日本之旅#日本#日本食玩瞓#求好旅友#日本旅行#日本自由行#日本旅遊#日本攻略#日本旅遊攻略2024#日本好玩景點#日本展覽 #日本event#event#打卡美食#打卡#打卡好去處#打卡必去#打卡able#向日葵#北海道#北海道自由行#北海道旅行#北海道景點#北海道攻略#北海道観光#激玩水上樂園