圍爐煮茶@森野薈
勁chill既一日，天功造美，當日既天氣非常清新，同行九位靚太太一齊去搭西鐵到錦上路站再轉小巴直接可以到目的地。一落小巴就會閒到天然既氣味，完全感受得出充滿大自然既味道。一條路行入去，沿路都會有指示牌。入到去已經可以到處打卡影相，搭起一個個小帳篷，有小橋小河，掛起一個個彩色波波做裝飾，非常配搭，感覺去左原野生活一樣。帳篷下有一張張小枱加小櫈，枱上面放好一個個炭爐，感覺已經好寫意。餐牌上可以有套餐，有散叫。可以食火鍋有鐵板燒烤，有雞煲，有牛雜煲。最值得食的是燒春雞，魷魚，蕃薯。最令我驚喜係有柑，同花生可以燒，其實還可以自帶食物，會象徵式收取入場費。大家一齊有講有笑，一邊燒一邊傾，樂也融融。食飽之後，主打還有用炭爐煮茶，有各式各樣既茶可以供大家選擇，一邊嘆茶一邊說笑，可以來說係好輕鬆嘅享受。周邊還有不同種類既種植可以供欣賞，有檸檬🍋有紅椒🌶️，可以感受下大自然中的氣氛。設施仲有簡單既小朋友遊樂場地方。係呢種氛圍底下，不自覺地輕鬆及寫意落黎，心情都變得舒爽，值得約三五成群既知己再黎同推介俾身邊既朋友，不論係大人或親子都合適放電放鬆的好地方。
#生活足跡
#社群歎世界
#親子好去處
#chill
#大自然
good
