2024/06/19

氛圍感法式扒房🥩 全店只賣一個牛扒Set

午市套餐 $398/人 (送甜品) 今次終於可以試到Bookmark左好耐既法式扒房！由於餐廳只得一個套餐，所以選擇困難症既朋友仔點餐都唔洗煩惱，只需要選擇牛扒既生熟程度就可以。【前菜】・有機合桃沙律🥗 沙律菜堆到好高，份量好足，食落新鮮爽脆唔苦澀，醬汁薄薄一層包裹住每片菜，配埋合桃碎食好香。・餐包🥖🧈 麵包係法包，外皮比較硬同煙靱，配埋無鹽牛油好creamy，牛油有奶香味之餘亦好滑順，幫個麵包加唔少分。【主菜】・招牌美國USDA Prime頂級10安士肉眼牛扒配特製醬汁🌟 牛扒成碟會放上小鐵架，下面有兩個小蠟燭熱住，好有儀式感🤭 肉眼扒揀左5成熟同7成熟兩款做對比：5成熟切面係完美粉紅色，唔見有血水，表面燒到焦香，入口肉質軟腍無筋而且多肉汁；而7成熟切開明顯剩好少粉紅色，肉質食落無咁鬆軟，不過肉味就更濃更出。小編就會推薦5成熟😆 醬汁有芥末同松露牛油既味道，同塊扒幾夾。・香脆金黃炸薯條 (無限量供應)🍟 薯條炸到金黃色，咬落外脆內軟令人忍唔住一條接一條咁食。不過最大問題就係調味略咸，開頭食一兩條唔係好覺，食多幾條就覺得要飲水🙈 【甜品】・法式千層酥三層千層酥睇落好吸引，食落酥脆。奶油香甜幼滑，仲見到雲呢拿籽，證明真材實料。但如果酥皮可以再增加多幾層，口感就會更鬆化更驚豔。・檸檬蛋白批🌟🌟 外面燒得好靚，上層蛋白霜堆到好高，一入口個好似棉花糖咁有空氣感，香甜鬆軟。配上酸爽軟滑既檸檬餡同脆身批底，味道同口感上都好有層次，有驚喜👍🏻 如果想黎慶祝生日可以係訂枱時講埋，當日餐廳上甜品時候就會播法國生日歌同埋侍應們圍住祝福你🥳🎂 幾有氣氛🎉🎊 La Vache! 地址：金鐘金鐘道88號太古廣場LG1樓007號舖營業時間：1200 - 2100 (星期五六營業至2200) 綜合評分環境：4/5 食物：4/5 衛生：4.5/5 打卡指數：4/5 CP值：4/5 人均消費：$450 (午市) 想睇更多食評請Follow女乃花余🤗 IG: milktea_foodie_good.west #尖沙咀 #中環 #金鐘 #法式餐廳 #聚會 #西餐 #Fine Dining #約會 #【飲食篇】香港美食遊 #聚舊 #香港美食 - 九龍區 #香港美食 - 港島區 #美國頂級肉眼扒 #法式千層酥 #食好西 #La Vache! #薯條任食 #週年慶祝 #生日慶祝 #食好啲 #香港餐廳推薦 #去尖沙咀食咩好 #去金鐘食咩好 #飲食篇香港美食遊 #檸檬蛋白撻 #Reunion #女乃花余 (此文章由U Blog 同步發佈至社群)...更多