朗廷酒店泰式自助餐試食分享

地址－ 尖沙咀北京道8號 環境／設施－ 🌟🌟🌟 特色－🌟🌟🌟🌟 人均價格－ 700港元 評分－🌟🌟🌟🌟 （5星滿分） 臨近母親節，提早請了母親大人食自助晚餐，首選係尖沙咀朗廷酒店。 之前食過幾次，對 The Food Gallery 有信心。咁啱餐廳做緊「泰式地道風味主題自助餐」，起初都驚食泰菜唔回本，最後居然賺咗。🥳 六時準時入席，餐廳面積唔大，裝修靚咗，食物擺位夠集中，唔覺得菜式特別少，只係唔會好大盤。除咗泰菜，自然唔少得各國海鮮、沙律、牛扒都有，大胃王一定回本。 > 朗廷酒店算是老牌酒店之一，餐廳面積不大，枱唔多，所以好少人排隊等食物。 > 東海鮮唔會擺好多出嚟， refill都好快，生蠔有職員攞比你，比較衛生。❤️ 海鮮冷盤包括波士頓龍蝦🦞、加拿大青口、翡翠螺、海蝦、刺身，長腳蟹及瑞典小龍蝦等等。樣樣都試過，新鮮，冇死鹹味，長腳蟹肉少咗啲，但龍蝦質素補夠。今次係美國🇺🇸生蠔， size 細，海水味較淡，味道冇法國🇫🇷蠔般複雜，口感易接受。 > 美國蠔11點味唔強，肉實，蟹🦀️ 爪正。 刺身新鮮，帶子巨型，不過唔會有驚喜。為配合泰國🇹🇭 主題，廚師特別配製泰式辣汁，酸酸辣辣，配海鮮🦞 幾得。 > 龍蝦好新鮮，海蝦肉好實，當然冇韓國嘅海蝦咁好食。小龍蝦都可以一試。 > 見阿媽攞刺身，都幾靚，自己都攞返少少試吓，刺身厚肉，但味道比較偏淡。 熱葷包括泰式炒蟹，炒貴刁，咖喱雞、鴨等等，數唔晒。有驚喜係串燒，肉嫩，唔乾身。紅咖喱鴨超正，鴨肉好嫩，配上紅咖喱好惹味，證據就係攞咗x3 ，反而青咖喱牛有點失色，牛肉嫩，不過唔入青咖哩味。 > 影唔晒出嚟，比起中菜，今次泰菜做得好好，特別係咖喱。 除了泰菜，都有印度咖喱及少量中菜，蟲草花雞燉湯，好👌。 泰國菜，當然唔少得海南雞飯，見到廚師切雞就叫了一碗。雞應該是浸熟的，肉嫩，味飯味淡，但好食。 > 自助餐食飯有啲怪怪地，但見隻雞身好正，忍唔住叫咗一碗。 因為配合主題，甜品都加咗泰國原素，白茅慕絲有淡淡香茅味，完美 mix and match，班蘭蛋糕好食，個人推薦榴槤千層及榴槤泡芙，榴槤控一定好鍾意，味道淡，唔「搶戲」，細佬仔啱食珍多冰；泰式水果有大樹菠蘿，山竹，絕對有誠意。雪糕真係想問係乜嘢牌子，食起好滑，推介椰子🥥雪糕，有椰絲，阿媽都食咗兩次。 > 所以加了泰國元素的甜品都好好食。 > 小朋友最啱 > 係唯一一次食咁多甜品 餐廳今次泰式主題不是掛名，多數菜式滲入泰菜原素， 誠意十分。兩位成人加一老盛為約2000港幣。臨近母親節價錢算係咁，最緊要老人家食得開心，又坐得舒服，緊係賺咗。 #母親節 #自助餐 #酒店自助餐 #餐廳推介 #香港朗廷酒店 #尋找你的旅行背包本地遊篇 (此文章由U Blog 同步發佈至社群)