扮廚神😎：IGable懶人南瓜湯 🛎想睇多啲就follow @whattoeat.hk啦! 作為超唔鐘意洗碗嘅懶人，我參考揀左用麵包做碗，咁就可以連碗都食埋，仲好IGable😎。 味道：個湯好甜又香南瓜味🤤點住麵包食好正。不過今次麵包碗整得唔夠薄，少少硬左啲。 ———————————————— 📝 材料 1. 南瓜 1個約500g （要刮肉整湯，外殼整第二樣嘢） 2. 紅蘿蔔 100g 3. 洋蔥 1/2 4. 鹽 適量 5. 無鹽牛油 10g 6. 水 400ml 7. 雞湯 100ml 8. 有硬殼嘅面包（我用左酸種） ———————————————— 🤲🏻 製作方法 1. 將南瓜洗淨，放入預熱210度嘅焗爐焗15~20分鐘。係等南瓜嘅時候，將紅蘿蔔同洋蔥去皮切碎 2. 南瓜焗好之後放涼，刮肉去籽，將肉切粒。（大約250g到） 3.係鍋裏面加入牛油用細火煮溶，加入洋蔥炒至半透明狀，之後加入南瓜及紅蘿蔔拌炒 。 4. 炒一陣之後加入水及雞湯煮滾後加蓋以中火煮15分鐘。 5. 等緊佢嘅時候，可以將麵包切頂，刮裏面嘅麵包出嚟（小心唔好刮穿），之後將佢放入焗爐焗一焗。 6. 講番嗰湯，熄火後將南瓜湯放入攪拌機打成蓉至順滑狀態 7. 依口味加入鹽調味。 8. 將湯裝入麵包碗中，就食得啦！ ———————————————— 🤓 食譜參考自 https://m.youtube.com/watch?v=14Y8jE9sSuY 🛎 如果鐘意我個post，希望你可以follow我個IG。你嘅支持係我寫Post嘅動力💪🏻。 🏷️ #whattoeat_食譜 #社群生日快樂