銅鑼灣超抵食外賣韓國菜🇰🇷

有一日同屋企人喺銅鑼灣行街 行到攰就諗住買嘢食返歸慢慢歇 行經鵝頸橋附近見到呢間外賣韓食店🇰🇷 除咗有凍肉、一碟碟前菜之餘 仲有好多韓國菜式可供選擇 於是我哋就決定買返屋企食🤤 睇單點韓國菜睇到眼花撩亂 最後決定向套餐埋手🤣 揀咗🔸2至3人套餐C🔸 貪佢有飯又有麵 仲有我最愛嘅蛋卷🩷 外賣即叫即整 而且因為都唔少人嗌 大約要等咗15分鐘先有得拎 哇 一拎上手 超級重！ 估唔到份量咁多🤣 🍖韓式炆牛肋排湯配飯 呢個絕對係重量級！ 起碼佔咗總重量一半 有六件牛肋排 每一件都超大嚿 超多肉 排骨肉質軟嫩 湯頭牛味濃郁 超級推薦👍🏻👍🏻 🍜炸醬麵 為咗唔好咁索汁 炸醬當然同麵分開另上 仲有隻煎蛋🤣 與中港台炸醬麵不同 韓式炸醬麵別具風味 濃稠嘅醬汁偏甜 麵嘅份量亦好多 食完超飽肚 🍗原味無骨炸雞 因為炸雞即刻食先最好味 所以我喺鋪頭已經急不及待試咗一嚿 Size 比一口炸雞略大 外皮炸得香脆 雞肉可口😋 回家後用氣炸爐翻熱 味道仍然一流👍🏻 🥚雜菜煎蛋卷 自從韓風席捲全球 韓式蛋卷同日式蛋卷 可謂並駕齊驅🍳 兩者烹飪方式大不同 各有千秋 韓式蛋卷口感較為厚實 用料較為多元 會加上紫菜、芝士或各種雜菜碎粒 味道層次更為豐富 而呢間韓國菜嘅蛋卷更加入了少見嘅海帶 令人有眼前一亮嘅感覺😋 仲要有足足10件蛋卷 對蛋控嚟講實在太滿足😍 套餐可以揀2款飲品🧃 我哋就揀咗梨汁同甜米露 都係地道韓國罐裝飲品 清熱解膩一流😍 🍚生生市場 🔸元朗店 📍元朗教育路2-6號捷榮樓地下C號舖 🔹灣仔店 📍灣仔堅拿道西15號永德大廈地下G13號舖 #香港探店#韓國菜#韓食#韓國美食#生生市場#元朗#灣仔#銅鑼灣#韓式料理 #韓國美食 #韓國 #UCreator #Foodie #假期推介