泰chill聚餐必到

【香港搵食🍴】Add Some Thai #文末優惠 Add Some Thai出名以西式煮法再結合傳統泰國食材 再用濃郁香料調味帶出食材鮮味 打造別具一格泰西fusion菜 餐廳裝修走園林風🌿 採用木色為主調 餐廳中間仲有個迴轉水道 有啲彩色波波 好靚嘅打卡位 環境同座位都幾舒服㗎 店員又勁好態度😍😍😍 嘢食方面叫咗 一個沙律 一個湯 兩個主菜同甜品 當然唔少得嘢飲啦 🥗金柚炸魷魚鬚沙律配韓式柚子醬 一睇個名就知fusion嘢 柚子沙律係泰國傳統嘢 而家用上韓式柚子醬 再特別係佢上菜方式竟然係用玻璃樽裝住個沙律 另外附上一個入滿柚子汁嘅泵 按個人喜好唧落沙律度 炸魷魚好香脆 🍲白雪鮮蜆椰子雞湯 我開頭覺得係玩食字 - 白雪鮮（仙）？ 但飲咗個湯就知 堅係鮮 鮮甜 新鮮個鮮 佢用鍋上 下低仲有個火幫我哋keep住湯嘅溫度 個湯微辣 但唔會蓋過甜味 除咗蜆 仲有青口 八爪魚仔 🍖招牌菜A.S.T 招牌火山排骨🌋 份量十足嘅芫茜 #芫茜控召集 再用埋自家特調嘅酸辣汁令成個火山更開胃 有5件排骨 肉質軟腍 而且好入味 🥦薑汁炒芥蘭 永遠都覺得芥蘭係要配薑汁先夠完整 火喉控制得幾好 芥蘭炒得夠爽脆 🍨特色泰西甜品拼盤 打卡able 🔹️芒果糯米飯 有4隻顏色嘅糯米飯 遠睇以為係4球雪糕😆 🔹️椰汁千層糕 好有嚼勁 幾重椰汁味 🔹️2球雪糕 朱古力味同椰子味 椰子味嗰球入面有埋椰子粒㗎 好正 再有2粒馬卡龍 完美嘅句號 嘢飲方面我哋揀咗蝶豆花特飲系列 🍸富士之戀 - 蝶豆花梳打 好清新 🍸富士山下 - 蝶豆花奶蓋 香滑 個奶蓋有啲啲咸味 ✨️優惠✨️ 而家去 @addsomethaihk 食飯 只要出示/提供我個IG帳戶名 wanderingfa 就可以免費獲得 雙色芒果糯米飯 要肥一齊肥 🤪 📍觀塘開源道62號駱駝漆大廈第一座9樓D室 📞27741008 🕐1200-2200 #觀塘美食#觀塘#飲食#香港美食#addsomethai#駱駝漆#駱駝漆大廈#thaifoodhk#蝶豆花#火山排骨#薑汁炒芥蘭#芒果糯米飯#椰汁千層糕#泰式甜品#泰國菜#FUSION菜#超飽#性價比高