2025/03/04

洋食商店！和牛壽喜燒黑松露燉飯二人餐🤤

👩🏻‍🍳 洋食商店 📍 長沙灣福榮街538號喜遇地下2號舖 🍲 招牌鍋料理二人餐($548起) 套餐包1款壽喜燒,黑松露燉飯,關東煮同小食兩款;肉方面今次揀左岩手縣和牛&澳洲和牛西冷(+$30),和牛同和牛西冷油花豐富,和牛肉質較軟腍,和牛西冷肉質較緊實,牛肉味濃,兩者蘸埋生蛋一齊食更嫩滑滋味 ;店員仲會好貼心咁幫客人煎埋,先用黃糖同牛油煎起,再落牛肉同豉油,然後到蔬菜拼盤,最後放黑松露燉飯煮到變乾汁為止;黑松露燉飯好creamy,同埋無諗過壽喜燒同黑松露燉飯結合埋一齊味道會咁夾,而且煮完之後燉飯嘅米粒依然軟嫩帶嚼勁 🍢 關東煮關東煮材料好豐富,有竹輪､魚餅､蘿蔔,蒟蒻等等,食材吸收左鮮味嘅高湯,加上熱辣辣上枱,食完完全係暖笠笠 🍽️ 小食唐揚爆谷雞炸得金黃香脆唔油膩,淋上蜜糖芥末醬一齊食就更惹味,而且唐揚雞嘅size好似爆谷咁可以一口一啖,非常方便;另一款小食就揀咗明太子玉子燒,玉子燒煎得好嫩滑,加上惹味明太子,好食到停唔到口 🍓 草莓白雪芭菲($108) 賣相好吸睛,面頭用左切成心形嘅士多啤梨,士多啤梨味百力支同牛奶仔朱古力做裝飾,未食前以為得眼見嘅幾層但食落去有驚喜;入面除左有新鮮士多啤梨,仲有士多啤梨味雪糕,雲呢拿雪糕,泡芙,士多啤梨脆脆,芝士奶蓋同綠茶味餅乾;士多啤梨鮮甜唔酸,雪糕香濃幼滑,鹹香嘅奶蓋芝士同淡淡嘅綠茶味餅乾中和左整體嘅甜膩,呢道士多啤梨芭菲絕對值得一試 🥃 Assari 梅酒($68) 有好香嘅梅子味,酒味唔重,非常容易入口,而且唔會好甜,而家仲做緊買一送一優惠 🎎 餐廳係一間西日居酒屋,裝潢主打懷舊嘅昭和風,有着各式各樣嘅舊日式海報､汽水機,整個環境真係好似置身於日本,打卡位非常多用餐日期 : 25/2/2025 味道:⭐⭐⭐⭐ (5星為最滿意) 環境:⭐⭐⭐⭐⭐ 服務:⭐⭐⭐⭐⭐ 性價比 :⭐⭐⭐⭐⭐ #日本菜 #居酒屋 #西日居酒屋 #壽喜燒 #鐵鍋飯 #芭菲 #長沙灣美食 #洋食商店 #ucreatorhk #ucreator #打卡美食 #香港美食 #相機食先 #foodie #hkfoodie #嗚啦吔哈 #我想食buffet ...更多