深圳福田區傳統豪華五星酒店🌺新年仲有煙花睇 ～

酒店貫徹JW一向嘅豪華feel，周圍金碧輝煌，房間以地氈和木質傢俬做主調。 服務: 我哋中午1點正到達酒店，一落車就有職員過嚟幫我哋攞行李👍。 book咗行政房，之前住過其他五星酒店，都可以去貴賓室坐底check-in，但係呢度就冇呢個服務，要同平時一樣企喺度排隊，呢一點做得不足，感覺唔到行政禮遇。 行政lounge: 下午茶幾乎冇乜嘢食，只有餅乾、水果和飲品。 晚餐熱食有大約8款、不過食完一輪，有啲冇得refill，唔通新年會預少啲份量？😅 另外水果甜點都有，味道算唔錯，呢一點可以讚賞。 房間: 房間勁大，乾淨整潔，我哋訂咗行政雙床房，房間目測有over 50平方米，好闊落，設備俱全，雙床，每張床有約120cm，都算OK！浴廁分開👍夠乾淨。 房間可以望到遠處，新年仲見到煙花添！ 地點: 環境尚算安靜，但唔算就腳，去商場需要搭5-10分鐘車。 是次Trip.com 訂房: $1503 🏨金茂深圳JW萬豪酒店 📍 深南大道6005號, 福田區, 深圳, 518040 #深圳攻略#深圳探店#深圳打卡#深圳住宿