📝【深業上城•鳳凰四季】美團團購探店實錄，竹笙皇海南三寶椰子雞套餐，真係抵食到爆呀💪🌴！
今次要同大家分享嘅就係位於深圳深業上城嘅一間椰子雞餐廳——鳳凰四季🍴。我哋用美團券揀咗個超值四人套餐，$305蚊就有得食到佢哋嘅招牌菜式「竹笙皇海南三寶椰子雞」🔥
👉首先當然要數主角啦，呢隻竹笙皇海南三寶椰子雞，湯底用咗清甜嘅椰子水加椰子肉，清香撲鼻🌿，可惜隻文昌雞太肥美🍗，肉佔比例少略嫌冇乜咬勁，稍稍偏肥咗啲。。
配菜部分，炸腐竹香脆可口，蔬菜盤都好新鮮爽甜，而所謂嘅超Q彈手工丸，只係平時街市賣緊$32磅嗰啲普通肉丸同包心丸，正常發揮啦。
重點嚟喇！臘味飯簡直係一絕，滿滿的臘腸、臘肉搭埋啲細細粒芋頭，香味撲鼻煲仔飯底仲煮到有啲啲飯焦，簡直係畫龍點睛之筆🔥🔥。一啖落去，香脆同煙韌混合，正到冇朋友！
至於招牌水果茶原本冰冰涼涼，但我哋怕凍，店員主動轉成常溫飲品，服務態度真心值得讚👍👍👍！
總括嚟講，雖然文昌雞嘅肉質有改善空間，但係鳳凰四季嘅整體出品同埋服務都係無可挑剔嘅，尤其係臘味飯同店員嘅專業反應，絕對加分添💯。
地址：
福田区皇岗路5001号深业上城L1层155号铺
#2023咔嚓
#foodiemap #吃貨地圖 #親子活動 #聚會好去處 #姊妹打卡 #hkfoodie #hkfood #深圳打卡 #打卡餐廳推薦 #ulifestyleapp #UBlog #吃貨地圖深圳#鳳凰四季 #椰子雞
