🇯🇵必食A4鹿兒島牛 舊同事話想食日式燒肉，比我search倒喺尖沙咀嘅牛匠石燒有A 4鹿兒島和牛！梗係要去試下！餐廳裝潢以黑色型格風加和式設計！menu當然主打日本燒肉，除左招牌A4鹿兒島和牛之外，仲有多款肉類套餐可選擇，價錢相宜！店內選用石燒爐，火力均勻，加上牛油紙隔一隔冇咁易燶！燒肉更加香氣撲鼻！ 🥩牛匠極上盛合：包括有日本A 4鹿兒島牛肋骨肉、日本A 4鹿兒島牛肩肉、特選牛午花、牛胸腹肉、鹽燒牛肋骨肉、安格斯牛小排、極上一口牛、封門柳、厚切特上牛舌同鹽蔥薄切牛舌等，唔同部位嘅牛，味道油脂同韌度都各有不同，一次過可以試到咁多種唔同口味的牛肉確係好豐富！ ⭐個人推介⭐ A4 鹿兒島牛肩肉同牛肋骨肉，淺粉紅色嘅雪花紋勁吸晴，薄薄一片一煎即熟，肉味香濃油脂爆香可口！必食！ 💛比較特別💛薄燒牛舌及厚切牛舌估唔到咁好味！薄切香口惹味、厚切比較有咬口，入口甘香～ 🥬牛小排肉質軟嫩，肉味香濃，用生菜同蒜片包住一齊食，可以減少DD 牛嘅油膩感！ 🍚溫泉蛋味素飯飯同烏冬： 食完肉就想食返個飯，蛋汁香滑嘅温泉蛋加上滿滿味素嘅日本米飯，煙韌同香滑共泉！好味！舊同事嘅烏冬都爽口彈牙！ 🥤飲品我地揀左水果茶同芝士奶蓋四季春，兩杯都唔錯，清甜可口！ 牛匠石燒 地址 ：📍尖沙咀金馬倫道34-36A號福僑大廈地舖