移民的那一天

坐在Uber Tesla model S 𥚃看著原本圓型的街燈因為淚光而變成了長條型。淚水經口罩流落下爬在臉上形成條狀，然後慢慢地蒸發成淚痕。這次可能是最後一次看到青馬大橋夜景。 這幾天不斷地獨個兒和熟悉的地方熟悉的街道道別。去咗殖民地色彩濃厚嘅大館幾趟，感受殖民地歷史同大英帝國嘅風情。 今次同上兩次唔同，喺英國嗰十年𥚃面每三個月返一次香港，星加玻嗰次每半年公司就俾一套來回機票，所有家當財物都留喺度，從來冇試過好似今次連根拔式冇計劃返香港。如今此一別，此別無歸期，我們從此變成世上最熟悉的陌生人。 再見了親愛的香港國際機場，呢四年喺度過得很快樂。未做過一份工有咁多司機俾我任用😁五分鐘內即到，仲快過叫Uber。 人在他鄉以後會有錢出錢、有力出力，盡量對社會作出貢獻，內心也會永遠永遠記住自己是一個英國香港人(好采事頭仍是同一個事頭，少一樣嘢要適應)。 未來每一個可能、每一個昐望都要多謝肥彭、肥佬黎、毛姨姨及Gphone等等嘅付出。光榮永遠都係屬於我哋美麗嘅香港。 名成利就人人想擁有 誰料此刻只嚮往自由 留住這光輝 今天不再等候 奮勇地退出這急流 (此文章由U Blog 同步發佈至社群)