2024/08/05

賞味香港 - 覓食大角咀大全街

承接上回帶大家覓食大角咀博文街，今個星期繼續係大角咀放飯，走到三個街口之隔既大全街(距離Koala屋企又近左少少，哈)，飛番轉新加坡、日本同意大利，享受世界環球美食。出名食肆多既大角咀，餐廳主要散怖係不同的橫街之上，平日Lunch Time選擇眾多，對於係鄰近既工作既打工仔有福了！由於這裡的地理位置，跟港鐵奧運站和南昌站都有一段距離，對初訪者來說，是個很容易迷路的地區，增加了外區人專前往程覓食的難度。其實好多行西隧過海巴士(#904/905)，同埋目的地係奧運同柏景灣既巴士，都會行經大角咀這一帶，把大家既距離拉近一點，有時間不妨為左美食，認識下我地居住既地方，了解更多自家文化。向新加坡出發！話說上年10月計劃開學前出走時，都有諗過重遊之前只停留過一晚既國家，體驗下當地文化，知己知彼，見識下香港既競爭對手星洲總廚地址：大角咀大全街57號地下星洲總廚的下午茶餐份量不錯，可以用優惠價格當正餐，一直係在下呢大半年做緊既事，是日點餐鴛鴦雞椰漿飯，香有煎雞扒和咖哩雞，伴菜花生和小魚乾十分香口惹味，太陽蛋未被撈飯之前，當然要相機食先食店在每天1430-1700都有下午茶餐供應，價錢當然比午餐相宜，人流亦無咁多，之前份Part time收1540，過到黎呢邊都成四點幾，搞到次次都係食得半個鐘就走人(無謂阻住人家落場)，家陣間中係假日都會行過黎歎下個Tea Set 招牌厚切豬扒煎雙蛋飯，帶著相當脂肪的厚切豬扒和兩隻太陽蛋真係好邪惡，但又真係幾好食喎，有幾條茶伴碟，對於在下來說是個加分位，先吸收纖維再邪惡！咖央多士下午茶餐，即叫即烤，香脆麵包夾著充滿椰香的咖央醬和厚切牛油，味道十分豐富亦很有層次，連飲品只需HK$28，是個不錯之選自兩年多前開始到大角咀海旁開始跑步時，從居住在大角咀的同事口中認識了星洲總廚，但在去年才決心光顧，卻遇上餐廳裝修，要在年底才重開，餐廳內部掛上了很多新加坡的相片，藤椅座位亦很有星洲風情位於大全街尾的星洲總廚，主打新派新加坡菜，吸引鄰近上班族的食客群，所以上班日午市比假日更繁忙返一轉「鄉下」，其實話咁花就到今次就同大家黎到日嚐慢煮生活，來一點日本慢活日嚐慢煮生活地址：大角咀大全街13號地下A舖就得到訪當日，是某個工作日下午的Peak Season過後，除了入座時正在打卡的兩位女士，就只有我一個食客，Menu上的食物都好吸引，期待著一頓豐富的日式家庭Feel午餐晚餐加設四宮格和九宮格兩款套餐，方便一次過試多幾款食物，同埋可以一齊開心Share 餐飲要了杯花茶是日點餐：慢煮封門柳配自定製雜菌燒汁、和風牛骨湯稻庭烏冬、柚子紫薯青蘋果沙律和蒜味墨魚仔，套套以木盆盛上，賣相很精緻，主菜慢煮封門柳十分軟腍，烏冬爽口彈牙，紫薯沙律像是份子料理很有趣配合餐廳的木系裝修和環境，還有店內的古董收藏品，這裡確實是一家好適合打卡的食店當日由於東主有喜，故未到落場時間就已經被離開，從店主得知因新鋪開張，所以要早收，而分店位置，就由衝出左大角咀，開去到紅磡，位置就在Koala經常光顧買豆沙酥的上海食店附近其實係香港食到既西餐，好多時都會係意粉同Pizza，所以每次同分享美食時，都會同大家走一轉意大利，可惜係歐洲既意大利，在下還未曾踏足過... IL CIBO Italian Restaurant 地址：大角咀大全街55號大同新邨大滿樓地下3A號舖網址：https://ilcibo.com.hk/ 意大利菜，似乎係香港西餐既主流，在過去的《賞味香港》博文中，應該是老是常出現既菜式，兩道菜Set Lunch包括主菜 + 餐湯/飲品/甜品(加HK$10可以加多個Course)，唔洗加一都係HK$100有找 Set Lunch並有兩版，另一邊廂是三道菜午餐，以意大利飯和扒類為主，價格親民西餐指定動作，麵包上先！意大利香草包配橄欖油黑醋，是日要了個甘筍湯是日跟兩檯之隔的男食客同樣點了烤牛肉扁意粉，所以不約而同在同一時間上檯，比較有趣既發現係，這位先生在享用完意粉後，才把意大利香草包點上意粉的蒜蓉汁，真係好物尋意粉底，像是比利時吃青口時，麵包是配青口汁才是Perfect Match! 扒類食物在IL CIBO Italian Restaurant的Set Lunch中，都是一百蚊左右，到訪前在Openrice看食評，見有食客推介牛扒，咁就Order個Rib Eye黎食下，牛扒正常水準，薯條炸得酥脆好食，是Koala喜歡的脆度和味道 Set Lunch甜品基本上都係Tiramisu，加HK$10要多杯咖啡配甜品十分超值！位於星洲總廚隔離的IL CIBO Italian Restaurant，是近期常到的西餐廳，由於在下的消費券以八達通登記，而餐廳接受八達通，所以呢期係去多左，哈~ 伸延閱讀賞味香港 - 覓食大角咀博文街賞味香港 - 覓食大角咀富多來 (Part 2) 賞味香港 - 覓食大角咀富多來 (Part 1) #牛扒 #意大利菜 #Tiramisu #咖央多士 #大角咀 #賞味香港 #意大利香草包 #大全街 #覓食大角咀 #IL CIBO Italian Restaurant #慢煮封門柳 #日嚐慢煮生活 #招牌厚切豬扒煎雙蛋飯 #星洲總廚 #904 (此文章由U Blog 同步發佈至社群)...更多

賞味香港 - 覓食大角咀 大全街

賞味香港 - 覓食大角咀大全街