《Mountain Lights》大自然+燈+巫師+煙花=💗

本人為了加入社群創作有價企劃行列,決定運用自身的日文一級能力,致力為大家上網搜羅與日本景點有關的優惠情報,再在U Lifestyle 作出分享｡務求讓大家慳得一蚊得一蚊,做旅遊精明消費達人! ———————— 平時大家可能會㨂冬天去北海道, 既可以滑雪又可以感受落雪時既浪漫氣氛, 係經典既選擇👍🏻 但你睇左我呢個介紹可能會顛覆你既想像, 因為連我都想夏天去感受下佢原始既悸動 💗 今次要講既係Niseko Hanazono Resort既夏天期間限定活動 ｡ 冬天佢就唔會有架啦, 活動由1/7-6/10舉行 ｡ 【7月1日 – 31日】 7:00PM – 10:00PM 【8月1日 – 15日】 6:30PM – 10:00PM 【8月16日 – 31日】 6:30PM – 9:30PM 【9月1日 – 15日】 6:00PM – 9:00PM 【9月16日 – 30日】 5:30PM – 9:00PM 【10月1日 – 6日】 5:00PM – 8:30PM 活動期間每天日落先會舉行, 以上既營業時間佢係set早左少許既｡ 你可以感受到由太陽餘暉到夜幕降臨後既不同韻味｡ 由於係一個與光有關既活動, 所以如果你只想感受日落後既感覺的話, 建議你遲半個鐘後入場 ｡ 今次活動既燈係由光纖製作而成｡ 遊客會先坐上纜車從高空俯瞰整個環境, 然後再落車近距離感受作品所帶來的悸動 ｡ 樹影婆娑､呼吸着綠草香氣; 燈火搖曳､眼看着延綿光線｡ 耳朵,聽着風聲､草聲､音樂聲 ｡ 整個藝術裝置要用上五感去感受也不為過 ｡ 由於已經係第三年展示, 今年佢追加左兩個大規模既作品, 相對於以往只係單色既表達, 今年係添加了色彩既變化與音樂既配合 ｡ 絕對能令作品再次昇華! 提提大家, 如果要去就要去到最抵玩! 一定要睇埋佢個煙花同埋火神之舞, 見圖6我圈起既日子 ｡ 火神之舞我睇左佢宣傳片, 我覺得好值得睇,免費架! 有種以前巫師年代既感覺! 但唔洗驚, 冇人會捉你去祭天, 你只需要好好享受當下就可以了 ｡ 呢間Resort其實好多野玩, 詳情可以去佢官網睇, 佢有英文版 ｡ https://hanazononiseko.com/en/ 你參加左佢其他活動再買Mountain Lights門券仲會有折添!(見圖4) 反正都去開北海道, 你睇埋我圖8既地點, 佢北海道有個用電話儲印仔既活動, 集齊兩個已經可以參加抽獎｡ 分分鐘贏埋你下次個溫泉旅行呢! 你只要睇下呢條片, 就會feel得到果份原始的悸動 ｡ https://youtu.be/qTax5oNHoQ4 睇完我真係好想去🫶🏻 而呢間Resort醒呀, 點解佢夏天搞呀? 因為佢係用滑雪場個斜坡搞架, 所以地方係好大, 一定夠佢玩既 ｡ 而門券價錢已經包埋你纜車錢, 你可以在當日營業時段坐幾多次都得架 ｡ 去開日本玩既可以睇埋我另外一啲post, 全部都幾有趣既分享黎架! 想知道更多日本新奇有趣既event記得關注我啦‼️你既關注為我帶來寫文章既動力🤝 ———————— 所有圖片來自官網(https://mountain-lights.com)｡ ———————— 如果大家見到有咩優惠/活動,但因為日文而唔識睇,可以話我知,我可以繼續出POST 話俾大家知｡ 想知更多優惠/活動資訊,就FOLLOW 我俾D動力我啦! THANKS. #日本好去處#日本之旅#日本#日本食玩瞓#求好旅友#日本旅行#日本自由行#日本旅遊#日本攻略#日本旅遊攻略2024#日本好玩景點#日本展覽#日本event#event#打卡#打卡好去處#打卡必去#打卡able#北海道#北海道自由行#北海道旅行#北海道景點#北海道攻略#北海道之旅#藝術