久違日式茶漬飯 蝦味濃郁chill 住嘆

行完荃灣西一間大型日本超市之後，需要搵一間舒服嘅餐廳，好好坐下食吓嘢休息吓。見到紅葉茶屋嘅環境好舒服，所以就同朋友入咗去。 🥘牛肉壽喜燒定食 呢個定食嘅牛肉份量好多，而且壽喜燒嘅味道較得好好，唔會太甜，亦唔會過鹹，配搭食材同餸飯一流！😋 🍱豪華海鮮丼茶漬飯 海鮮丼都有唔少新鮮嘅刺身，包括甜蝦，吞拿魚三文魚，帶子同魚子。小編就揀咗蝦湯做茶漬飯嘅湯底，蝦湯口感唔算厚，但每一啖都食到濃郁嘅蝦味🦐🦐而且餐廳仲好貼心咁俾埋教學教茶漬飯嘅食法😀 🍤自選炸物盛盒 呢個盛盒可以喺蝦，廣島蠔、雞件、雞全翼同豆腐月餅五樣入邊揀三樣。小編就揀咗蝦，廣島蠔同埋雞全翼，上枱嘅時候，炸物用金屬架隔油，所以就算唔係即刻食都唔會油淋淋。雞翼有醃過，味道出色；炸蝦個外層非常鬆化；炸蠔質素又穩定🥰 🍘炸牛肉薯餅 呢個牛肉薯餅就俾炸物盛盒遜色少少啦🤏 上枱嘅時候熱辣辣，味道亦都唔算特別出色，但薯條控表示可以接受😆 呢間餐廳嘅餐具非常精緻，真係又食得又睇得！😋 紅葉茶屋 (海之戀商場) (荃灣) 📍荃灣大河道100號海之戀商場3樓3012號舖 #foodiehkcouple #foodiehkcouple荃灣 #foodiehkcouple日式 #gogofoodie #KTfoodie #hkfoodie#hkfoodies#foodiehk#foodhk#hkfood#hkfoods#hkfoodblogger#hongkongfoodies#hongkongfoodie#hkfoodlover #hongkongfood #foodiehk #週末好去處 #拍拖好去處 #情侶好去處#香港美食指南#香港美食日記#香港美食#香港好去處#荃灣餐廳#荃灣好去處#荃灣美食#家庭聚會#朋友聚會 #紅葉茶屋#我想收聖誕禮物