沙田新開日式料理抹茶甜品超好食！

好耐之前喺佐敦食過Tera嘅意粉🍝同pancake🥞 覺得相當之唔錯對餐廳留下深刻印象所以一聽到佢旗下全新品牌 — Zen by TERA「禪」喺沙田新城市廣場開業就急不及待要去試下啦😍 新品牌主打日式定食以及多款抹茶甜品、刨冰🍵 而餐廳裝潢同樣走簡約路線採用木系設計風格感覺溫馨又舒適門外更砌了一道日式燈籠牆🏮 令人彷如置身日本🇯🇵 當日2時許到訪嗌咗2個下午茶套餐、小食同甜品試試～ 🍝明太子蟹肉意粉（$88）明太子意粉真係永遠不會令人失望😍 意粉「浸」喺超多超濃厚嘅明太子忌廉之中再加埋鮮甜嘅蟹肉每一啖都味道濃郁🤤 雖然係下午茶但份量勁飽肚❕ ☕豆腐花咖啡（跟餐+$6）見呢個配搭咁特別就嗌咗杯嚟試下飲到底會見到有好多豆腐花微甜嘅豆腐花中和咗咖啡嘅苦味非常之易入口 🧀芝士年糕(2件)（跟餐+$26）跟餐可追加小食芝士年糕同炸單骨手羽我哋揀咗前者年糕口感超級煙韌中間仲有流心芝士餡太邪惡了🤤 🥓美國安格斯牛月見蛋丼（$98）大大塊安格斯牛肉火炙過後賣相非常吸引中間加上日本「曉」生蛋黃🥚 拌勻後食用滋味非常😍 🥚明太子玉子燒（$68）熱愛明太子嘅我哋忍唔住追加咗個明太子玉子燒玉子燒面頭淋上不少明太子醬而玉子燒口感同壽司店嘅厚玉子相同不過佢係熱辣辣而唔係凍嘅🤣 質感鬆軟可口值得一試👍🏻 🍵日式抹茶鮮奶（跟餐+$10）抹茶味道香醇帶點回甘 🍰抹茶蛋白卷（$58）賣相吸引面頭放上一串煙韌Q彈小丸子🍡 蛋白卷質感厚實得嚟又鬆軟不會太空氣感中間塗抹了不少香濃而不甜嘅抹茶忌廉再加上香甜嘅紅豆整體味道清新而不飽膩 🪭TERA 禪 📍沙田正街18-19號沙田新城市廣場一期109號舖 #沙田美食 #打卡美食 #甜品 #抹茶 #日式 #cafe #cafehopping #明太子 #丼飯 #定食 #日式料理 #TERA #香港探店 #香港美食 #沙田 #打卡 #Zenbytera #UCreator ...更多

727

沙田新開日式料理 抹茶甜品超好食！

沙田新開日式料理抹茶甜品超好食！