日式放題回本無難度😝

每次食日式放題都習慣先用手機落單，然後到自助區慢慢睇下有咩食有咩飲 今次去呢間响旺角嘅分店，佔地全層，店舖開揚新淨，自助區亦非常闊落 自助區 – 🍲熱食區 有鮑汁豬手、娃娃菜、小籠包、餃子、菜乾豬肺湯、姬松茸海星烏雞湯及椰汁燉鮮奶，我哋就最鍾意食鮑汁豬手 自助區 – 🧋飲品區 有果汁、涼茶、綠茶包、玄米茶包，仲有咖啡、美綠、奶茶及鴛鴦可以响機喥撳，仲有超大量罐裝及樽裝飲品响雪櫃，冷泡茶我哋都飲咗幾枝🤣 自助區 – 🍦甜品區 有布甸、大福餅、乳酪、豆腐花、軟雪糕、雪糕配料及非常多種類嘅雪糕雪條 自助區 – 🥗涼拌沙律區 好多涼拌小食、生果有龍眼、火龍果、蜜瓜及西瓜，另外仲有蜆肉及凍蝦 📱QR CODE落單 食品細分咗由A至K 當中當然唔少得有刺身、壽司、一品料理、燒物、串燒、煮物、炸物等 🦀刺身 回本嘅當然有松葉蟹腳及池魚王刺身，必叫推介 🍣壽司 白松露油甘魚腩、黑松露大赤蝦、黑松露蟹肉芝士軟殼蟹卷、海膽軍艦都係添食之選 🍲一品料理 金湯慢煮鮑魚花膠盛：大大隻又炆得入味嘅花膠非常Q彈，鮑魚夠腍，花菇軟滑入味，一定要點 皇牌燒乳鴿王：都係水準之作 金蒜蓉粉絲蒸扇貝：香脆嘅炸蒜配上帶子好惹味 🥢燒物 西京燒比目魚：肉質嫩腍 🍡串燒 燒菠蘿及鹽燒牛舌亦係必然之選 🍤炸物 芝麻雞翼：外皮香脆，內裡嫩滑juicy 雖然已經食到非常飽，但係雪糕🍦都不能放過，最鍾意da dino綠茶雪糕，綠茶味非常濃郁，而Bulla frozen yogurt芒果味，食落比較輕盈，唔會太甜 午市$258一位，由12：00 – 14:30，全程有兩個半鍾，時間非常充裕，收碟 速度快，亦無漏單，回本無難度🤑💪 📍極尚大喜屋 旺角彌敦道639號雅蘭中心4樓 #自助餐 #日式料理 #日式放題 #極尚大喜屋 #旺角美食 (此文章由U Blog 同步發佈至社群)