2024/06/01

和牛生蠔龍蝦回本無難度

呢間自助餐專門店Mr Steak buffet a la minute，出哂名性價比高易回本，我哋星期四17:00 - 19:00 呢段時間入座，價錢都只係$358，而且都好多貴價食材，同時入座即送豪華魚生拼盤👍。我哋坐下無幾耐已經送上🤩 🥢豪華魚生拼盤，包括有赤蝦、帶子、三文魚、油甘魚、赤貝及三文魚籽，呢個刺身拼盤响出面食都唔平，我哋最鍾意食帶子，大大粒好爽甜，赤貝亦爽脆鮮甜。食完個刺身拼盤之後就出擊……睇下有咩食先😝 🥢海鮮刺身區非常吸睛顯眼嘅熟海鮮區域，有鮮蜆、熟蝦及青口外，當然有回本嘅蟹腳及龍蝦喇，龍蝦肉質扎實鮮甜，蟹膏都好多添😋，蟹腳肉質飽滿，鮮甜唔會太鹹。當然唔少得有即開生蠔🦪，仲要係日本室津產添🤩，細細隻但非常鮮甜，蠔味濃郁並帶有礦物味，超正😋，雖然每次限攞3隻，但真係好好味，我都攞咗4次🤭。如果食完個魚生拼盤唔夠喉，刺身區都有三文魚、八爪魚、醋鯖魚及𩶘魚。想食澱粉質都有卷物、冷麵、蕎麥麵及烏冬可選擇。 🍷飲品酒類區☕️ 食海鮮當然唔少得白酒，好酒嘅我哋當然要嗒番杯，飲落清爽微酸，帶花香味好易入口，至於紅酒當然亦唔缺，旁邊仲擺放咗餸酒芝士。唔飲酒當然亦有咖啡、紅茶、冰紅茶及果汁，連鮮檸檬片都有，可以沖返杯檸茶配結尾甜品🤭 🥢熱食區有滋補燉湯，暖胃濃郁；其餘有咖哩牛腩、意粉、豬腳薑、竹笙浸魚腐、辣酒煮花螺、清蒸比目魚、蒸白鱔、咕嚕肉甚至連鴨血都有，太多不能盡錄，最鍾意食佢嘅辣酒煮花螺，花螺Q彈又惹味，鴨血爽口微辣。唔怕熱氣仲有新鮮熱辣即炸天婦羅🍤。 🥢食肉獸牛牛區又係回本位區域，有燒美國牛及無限供應美國SRF和牛壽喜燒及鐵板燒😋 • 和牛鐵板燒：和牛卷住香蔥及炸乾蒜一齊食，食到香濃牛味之餘仲好惹味 • 和牛壽喜燒：肉質軟腍又濃香 🥢另外仲有啲驚喜回本菜式 • 菠菜芝士煙肉焗蠔 • 原片香煎鴨肝和牛炒飯 • 花雕陳皮滷乳鴿 • 清酒醬汁凍鮑魚：軟腍入味，有輕微清酒香味 • 蠔汁菜膽冬菇扣花膠：花膠大大件，非常軟腍，冬菇又香又入味。 🥗沙律區食咗咁多肉肉及濃味嘅食物，當然唔少得沙律來清一清口，有預拌沙律及沙律菜，非常新鮮爽脆，亦有煙三文魚及凍肉腸。 🍮甜品區 🍰蛋糕方面有好多不同款式而且好繽紛嘅件裝蛋糕、磅裝蛋糕、布甸、豆腐花、蛋撻、生果等，最鍾意食佢嘅一口朱古力蛋糕超濃郁朱古力味及濃香滑溜嘅北海道牛乳布甸。除咗蛋糕之外行入少少有häagendazs 同埋movenpick雪糕🍨，有成8款口味，我食過紅桑子、抹茶、檸檬青檸、士多啤梨及芒果都好好食，除咗雪糕之外仲有冰條添😋。 💕傳達心意區雪糕隔離就係傳達心意區，可以寫張紙仔送上祝福語俾你深愛嘅人💕，當中還附上一件甜甜蜜蜜嘅朱古力心太軟添，非常流心。 📍Mr. Steak Buffet à la minute 銅鑼灣告士打道280號世貿中心6樓 #自助餐 #銅鑼灣美食 #性價比高 #Mr Steak Buffet a la minute #即開生蠔 #美國和牛 (此文章由U Blog 同步發佈至社群)...更多

和牛 生蠔 龍蝦 回本無難度

和牛生蠔龍蝦回本無難度