2024/08/22

Belly Go Round - 鳥語

鳥語 (食於2022年8月31日) 尖沙咀厚福街12-12A號藍馬商業大廈10樓 ⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️ 🍴美食資訊🍴 🗻富士山黑豚肉咖喱飯（$118）咖喱比想像中多料，除左有一片片嘅黑豚肉，仲有啲蕃茄仔之類嘅蔬菜配料。然而黑豚肉得三四片左右，略嫌有啲少😅🫣米飯係珍珠米，好有咬口😚堆到成座富士山咁睇得又食得🫶🏻 🍦粉紅鳥語雪糕忌廉海鮮意粉（$138）粉紅色嘅忌廉再配一個倒插嘅雪糕筒，成個display比人嘅感覺真係好似一個士多啤梨雪糕唔小心跌左落兜意粉咁🤪幾有創意又夠曬gimmick🤩意粉比較偏爽身同硬身。海鮮料都頗多：蝦、魷魚鬚同蜆肉等等。味道中規中矩，但係賣相的確好打卡able📷 🍄芝士大啡菇條（$68）賣相有啲似炸鹽酥雞🤣原來係一粒粒嘅大啡菇👀炸得幾juicy，加上大啡菇本身比較厚肉，所以幾有咬口🤓佢會配兩隻醬比你，一隻係黑松露，另一隻綠綠地色嘅唔知係乜😅原本以為芝士係熱溶芝士，點知只係芝士碎鋪面☺️🤗 富士山戚風蛋糕（$68）+畫碟（$15）細妹生日飯為左有啲儀式感點都要叫個甜品嘅😉打電話book位果陣已經order甜品想畫碟，店員已經講要加$15🤔衰妹揀左哩個戚風蛋糕，個人認為冇咩特別😂😂有啲焦糖脆脆附送😌 粉紅色富士山拿鐵（$52) + 懸浮棉花糖（$10）我地兩姊妹都覺得粉紅色同藍色都差唔多味😅😅真係睇你鍾意邊隻色多啲😉味道正正常常，係一杯普通嘅拿鐵😌為左打卡先叫嘅懸浮棉花糖係擺幾耐都唔會融係杯野飲度😉舊棉花糖得個睇字，唔太好食🫢 藍色富士山拿鐵+ 懸浮棉花糖（$10）同上 ⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️ 👑評分味道：3.5/5 環境：3/5 價錢：3/5 份量：3.5/5 服務：3/5 推薦度：3/5 打電話或者WhatsApp book位都會問你想坐普通位定係榻榻米，今次我同細妹揀榻榻米。個人黎講揀普通位好啲，坐榻榻米容易腳痹之餘，成日覺得榻榻米啲咕臣冇得消毒所以心理上覺得比較污糟🫣食物質素不過不失但勝在超打到卡🤩一見到座富士山飯或者個雪糕意粉就知道係哩間餐廳，好成功地令顧客留低對佢地嘅獨特印象👍🏻 ⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️ 小日記💚：補祝返細妹嘅生日飯，所以哩日收工之後約左佢係尖沙咀集合，兩姊妹撐檯腳👭🏻佢成日話我帶佢去食嘅餐廳都唔好味，難得今次佢話都ok😌難服侍的傢伙唔知幾時大個出黎做野識得請返家姐食飯呢🥹 by 肉公主👸🏻 📍尖沙咀 👻肚子開門（ig)：@floomfloom 💁🏻‍♂️💁🏻‍♀️our ig：@belly_go_round #意粉 #咖哩 #戚風蛋糕 #拿鐵 #豚肉 #大啡菇 (此文章由U Blog 同步發佈至社群)...更多