2024/06/06

Chill級推介大埔晚市二人套餐$398

大埔中心那邊嘅商場一個連接一個非常好行，不知不覺行到晚飯時間，食肆選擇多不過人太多，感覺始終唔夠leisure，而我朋友係大埔地膽，佢非常推介呢間舒適寧靜而感覺非常chill嘅餐廳俾我🥰 最緊要係二人餐都只係$398🤑，包餐湯兩碗🥣、前菜三款🥗、主菜兩款🥩及兩杯餐茶☕️，咁抵🤑…當然要入去試下啦😋 🥣廚師精選餐湯甘筍湯非常濃郁甘筍味，creamy又甜香；餐包用紙袋入住，乾淨衛生，可以添食 🥗前菜 - 白鯷魚茄子蓉多士（2件）白鯷魚酸鹹香爽與清新淡香嘅茄子蓉非常之夾 - 意大利風乾火腿拼盤拼盤有巴馬火腿、莎樂美腸、寇帕火腿及青提，3款火腿都非常鹹香，但又唔會死鹹 - 地中海風味烤多春魚（2件）焗得熱辣非常，多春魚味濃而鮮爽 🥩主菜炭烤安格斯封門柳配燒汁薯條（+$90）炭烤味與封門柳牛味兩者皆非常濃郁，兩者嘅濃味夾擊非常出色又合拍，而生熟程度掌握得啱啱好，肉質軟腍；薯條香脆熱辣，薯味夠香新鮮波士頓龍蝦意粉（+$100）龍蝦肉結實彈牙，而且仲有鮮香嘅蝦膏；手工意粉同普通意粉質地有啲唔同，好有口感，配合濃郁鮮香嘅蕃茄醬汁，食落清爽唔膩 ☕️是日精選茶（另外可以以優惠價加配其他飲品）蜜桃茶非常香蜜桃味，飲落好舒服朋友話呢度嘅海鮮湯🍲及 cocktail🍸做得非常出色，所以叫嚟試下👇 🍲意大利燉海鮮湯 $118 海鮮包括有蜆肉、青口、虎蝦及鱸魚；湯底望落去雖然好清，但飲落去係非常香濃海鮮味😋；蜆肉肥美鮮甜，青口鹹香嫩滑，虎蝦爽彈，鱸魚肉厚魚味濃 🍸OOLONG BREEZE $78 有淡淡嘅烏龍茶味，酸酸甜甜，非常清爽醒胃，酒味唔會好濃，啱哂女士們 🍸FLORAL ESPRESSO MARTINI $128 聞落咖啡味非常香濃，飲落醇厚咖啡香並略帶花香味，繼而隱約浮出辛辣味，非常有層次及個性👍 朋友果然冇介紹錯呢間餐廳，食物質素高之外又坐得舒適，chill足一晚，而且侍應嘅服務態度亦非常之好聽講佢嘅西班牙烤乳豬以及青口都做得好好，仲要有free flow紅白酒，下次入開大埔都要bookmark定先😋 📍Pentola (大埔藝術中心) 大埔安邦路12號大埔藝術中心地下G01-02號舖 #意大利菜 #相機食先 #食好西 #大埔超級城 # 大埔美食 #大埔藝術中心 #Pentola (此文章由U Blog 同步發佈至社群)...更多

Chill級推介 大埔晚市二人套餐$398

Chill級推介大埔晚市二人套餐$398