[香港] 高質又性價比高的Omakase🇯🇵

之前係旺角食過呢間高質日本餐廳 好chill 咁食咗三個幾鐘頭 好好咁享受每一道料理 餐廳環境好舒服我地係坐係卡位 餐廳有特式卡位同bar枱 餐廳裝修得好靚好有日本風 職員態度非常友善同好 我地今次叫咗12品料理 (HK$468/p.p)性價比十分高👍🏻

長阪12旬彩席間料理
🩷蜜糖合桃､海膽豆腐､磯煮鮑魚
第一道菜已經好吸晴 係3款小吃 侍應話由左至右咁食 蜜糖合桃甜甜地咁幾好食 而海膽豆腐非常嫩滑亦帶點海膽味幾特別 鮑魚好入味又易咬亦有點口感

🩷赤貝八爪魚
又一碟吸晴嘅菜式 係有赤貝同八爪魚🐙食落非常爽口 好新鮮

🩷蟹肉三文魚籽茶碗蒸
平時唔係好鍾意食茶碗蒸嘅我 都被佢吸引住😍整得非常用心 蛋好滑 係茶碗蒸上有好多蟹肉非常有鮮味👍🏻

🩷拖羅蓉最中餅配江戶切玉子燒
一上碟我差點以為係甜點來 好靚嘅花花餅好似食燒餅咁裡面夾咗拖羅蓉､海膽同三文魚籽 一咬落去餡料非常豐富 海膽同拖羅蓉都好新鮮 呢個餡料都好夾非常好味😋仲有玉子燒係旁邊 望落好似蛋糕🍰全個都係用蛋整成的

🩷三款串燒
串燒有牛肉自家製雞肉丸､牛胸腹同雞皮 三樣都燒得好乾身適中 特別係雞肉丸 佢個醬汁甜甜地好香口

🩷天婦羅
有兩款天婦羅🍤包括係蝦同青椒🫑 炸青椒非常好味 好有青椒嘅味道 外皮炸得好脆 而炸蝦都好彈牙

🩷燒北寄貝
呢個北寄貝非常讚 用咗新鮮嘅北寄貝好爽口 牛油味好香非常彈牙

🩷 甜品
甜品都好豐富 有三款 有蘋果肉桂蛋卷､十勝紅豆蕨餅同菠蘿西瓜汁 呢個菠蘿西瓜汁係好精緻非常適合打卡 飲之前吉穿佢 首先係食咗蘋果肉桂蛋卷 好fresh酸酸甜甜之後就食蕨餅 煙煙韌韌好似係日本食個啲

📍長阪燒 (旺角)
旺角砵蘭街189號2樓

#日本菜 #壽司 #刺身 #拉麵 #OMAKASE #日本 #ucreatorhk #好去處 #隱世打卡點 #ucreator #社群時間囊