屯門市廣場1期1樓 Neko Puff 極高質 攞過世一嘅 拿破崙蛋糕✨
.
🐷📌 #豬西食屯門 #豬西食新界 #豬西食蛋糕
.
冇錯….又有朋友仔生日啦 最近真係好多屋企人朋友同埋同學仔生日 所以可以食到好多款唔同嘅蛋糕哈哈哈 今次因為朋友係住屯門
所以我哋都專登入咗屯門去佢屋企慶祝生日🤣雖然屯門對我嚟講係有啲遠 不過相信呢間舖頭對住屯門嘅人都幾方便 因為佢係位於屯門市中心🙆🏻♀️
.
🐷Give Me 2 - 焦糖燉蛋+3.6蛋白牛乳👅9/10
呢個拿破崙蛋糕非常好 因為而家可以上下兩層唔同味道 覺得咁樣好啱一啲唔知揀咩味都嘅人 因為我都心大心細覺得好多隻味道想試 一次嗰時晒兩隻味真係幾好
先講吓拿破崙嘅酥皮 非常香脆 牛油味亦都好香濃 但又唔會令人覺得好油膩 一打開包裝 其實已經聞到好香好香嘅牛油味🧈
另一方面就係個酥皮唔係「薄依依」 每一層都算厚 所以咬落實正啲 但係實淨嘅同時 亦都保留左鬆化嘅口感😋😋
上面一層係3.6蛋白牛乳🥛 奶油忌廉嘅味道好香牛奶味 而且非常細滑 加上酥脆嘅拿破崙非常好食😋 同時 味道亦都唔會過甜 所以唔會話有一種油膩/ 漏喉嘅感覺🥰
下面一層係焦糖燉蛋🥚 蛋嘅味道好香濃 開頭其實有啲後悔訂咗焦糖燉蛋味 （因為好擔心焦糖嘅味道太勁… 一定甜到黐線…） 但冇諗過其實都唔錯 甜度控制得幾好🙆🏻♀️
除此之外 餐廳仲有準備好靚嘅生日牌、一塊可以自己寫字嘅牌、仲有一支好靚嘅生日蠟燭 🎂 覺得咁樣好貼心 而且啲裝飾好靚🥰 唔似某啲大型連鎖店啲牌 （冇間大型連鎖店嘅牌真係超級醜樣😂）
我哋本身揀呢間蛋糕舖嘅原因 主要係因為近朋友屋企 上網見到喺附近所以就揀左了 覺得味道方面真係好surprise🤣
跟住打打吓食評 諗住上網睇吓間舖頭咩名堂 原來呢間舖頭曾經參加過比賽 仲攞咗冠軍…😮😮🥇
另外 我開頭都擔心我預先訂咗個蛋糕 但可能佢係朝早一早整好俾我 我去到傍晚我嘅時候可能會唔好食 因為我驚啲忌廉會教導拿破崙酥皮濕左 有機會影響口感😂😂
不過❗️❗️ 當時訂嘅時候我就問店員有關我嘅concern 跟住店員話返俾我聽 其實佢哋係約咗邊一個時間嚟攞 就會提前一個鐘焗 可以話係新鮮出爐
食材都係用到成本比較貴嘅材料 例如忌廉、牛油等 大部份都係法國直送 所以覺得食落都特別香 覺得$300左右一個嘅蛋糕都算值得的 唔會話有 唔抵/ 貴嘅感覺🙆🏻♀️
同埋我哋因為想喺我哋個foodie page度分享 但又唔想喺朋友屋企影相 因為費事影到朋友屋企啦 我哋問店員可唔可以俾各位我哋影相 佢即刻幫我哋搵個光啲嘅位比我地影 超貼心 從幫我哋pack番個蛋糕🎂
.
味道👅：9/10
賣相👀：9/10
扺食💰：8/10
服務🙆🏻♀️：10/10
.
Neko Puff @neko.puff.hk
📍 屯門屯順街1號屯門市廣場1期1樓1268號舖
.
#吃貨日常#香港#茶餐廳#Cafe#麵包#西餐#日本菜#韓國菜#堂食#食 #香港美食 #hkfoodie #拿破崙蛋糕 #拿破崙 #蛋糕 #生日蛋糕
#蛋糕 #香港 #韓國菜 #屯門 #日本菜 #食 #西餐 #生日蛋糕 #麵包 #香港美食 #拿破崙 #茶餐廳 #堂食 #hkfoodie #吃貨日常 #拿破崙蛋糕 #豬西食屯門 #豬西食新界 #豬西食蛋糕
(此文章由U Blog 同步發佈至社群)...
更多
下載 U Lifestyle應用程式
香港經濟日報版權所有©2025
