櫻花樹🌸下台式火鍋~任食 M7和牛同A5宮崎牛120分鐘自助火鍋

🌸別忘了🌸 地點：荃灣眾安街68號千色匯1期2樓2032號舖 🌺 食物：4.3/5 環境：🌕🌕🌕🌕/5 （一入門口已經係大大棵櫻花樹🌸同簡約的小木屋🏠裝飾超級少女心，裡面同樣有好多粉粉嫩嫩的design，就快新年🧧大家仲可以寫下心願掛上樹上祈願🎐tim~ ） 湯底可以由台式麻辣🌶️、藥膳當歸、椰子雞🐓、蕃茄🍅、鰹魚昆布、芝士牛奶🧀、沙茶、壽喜燒、豬骨🐽中選2種，近排天氣乾燥🍁一於要左個滋潤的椰子雞同豬骨先😆 👉🏻先講主角肉類，E個set提供6款唔同部位同種類的牛豬羊雞肉🥩，建議大家必點以下幾款︰  -澳洲🇦🇺極上M7 牛肉上🥩的油花好似大理石紋咁均勻分佈，睇到都流曬口水🤤，食落去會feel到濃郁的牛香同澳牛的獨特甜香，一啖都係爆出來的肉汁同甘香😍 -花雕嫩雞肉🐓 少有做得好好的花雕雞肉，主打台式🇹🇼果然係唔同d，花雕酒香🍶的甜帶出雞肉的鮮味的同時解去左常見的「蘇」味，食落又嫩又甜，白肉愛好者必食🙋🏻‍♀️ - A5宮崎牛🐄 E個係Set D 獨有的A5宮崎牛🇯🇵，一睇油花的分佈同粉嫩的顏色已經同M7完全唔同，聽講食落真.入口即化tim 👉🏻另外必推坊間超級無敵咁少見的台式🇹🇼小吃攤 除左可以QR Code📱落單外，出面仲有得以自助形式自取，十足十台灣的小食攤咁，食左一圈後小編以下只係選左幾款推薦俾大家︰ -人氣鹽酥雞🍗 香口又唔會太乾，味粉唔會死鹹之餘帶少少甜，一啖一個的bite size份量😉 -台南府城蝦捲🦐 必食，香蔥蝦肉包住腐皮捲，裡面係鬆鬆軟軟又軟淋的，有d似潮式的蝦卷多蔥多九菜版，食落會特別香口，大推😍 -宜蘭蔥肉餅🐽 完全係阿土伯的蔥肉餅味道，大家可以放心食用，一定好味😋 -榴槤炸彈 榴槤喜好者必試，黃金香脆的外表下一啖爆漿💦，小心辣親個嘴仔ar🫢 -脆皮香蕉🍌 朋友話幾好食，清曬 👉🏻最後火鍋配料除左常見的款式外 仲有大量的少見的台式配料👍🏻 -米血糕 -芋泥包心貢丸  -黑輪卷🍢 -甜不辣🐟 -排骨酥🐷 P.S:  -牆上有句說話好深刻：「別忘了是種提示那個淡忘了、忘下了的感覺」，但記憶中的情感模糊左何不是一件好事呢？記得的·留下的·是好事 🔹記得like+subscribe 我地youtube Channel😉 睇更多香港美食🤤👅記得follow: 🔹Instagram: liebekingfoodie 🔹Facebook: Foodie.liebe_king     MORE ON YOUTUBE #小食 #櫻花 #甜品 #打邊爐 #放題 #下午茶 #火鍋 #和牛 #鹽酥雞 #荃灣 #花雕醉雞 #炸雞 #台式 #打卡 #荃灣美食 #食肉獸 #打卡餐廳 #夜市小食 #liebekingfoodie (此文章由U Blog 同步發佈至社群)