特色列車x海景一泊兩食 - 和倉溫泉

今日嘅行程重點就係搭城限定嘅豪華觀光列車前往和倉溫泉,享受能登半島嘅海景溫泉一泊兩食! -花嫁暖簾號- 之後,就係豪華觀光列車嘅時間｡我哋會搭成花嫁暖簾號觀光列車,由金澤前往位於能登半島嘅和倉溫泉｡ 花嫁暖簾號只限週末同公眾假期營運,每日只有兩班來回班次,真係一票難求｡ 點解呢?花嫁暖簾號嘅外貌以至車廂嚟內嘅設計,以石川縣傳統婚禮嘅手工藝為主體,因此 車內雍容華貴､充滿氣派｡紅色嘅外殼,加上仔細嘅雕花圖案,日本嘅觀光列車絕對唔係火車 宅男嘅專利｡ 大家一定要提早去到車站,同火車打卡,再趁其他人未安頓好嘅時候,參觀一下 設計精緻嘅車廂｡ ~Tips: 提早預訂觀光列車~ 觀光列車大部分都只有指定席,基本上放售當日已經會售罄｡每個地方嘅JR公司都有唔同嘅 預約政策, 再加上遊客多數使用pass,就令到預約更加考功夫,大家一定要提早睇清楚指引呀! -和倉溫泉- 快樂不知時日過,一個鐘頭左右嘅觀光列車一閃即逝｡透過大玻璃窗望住窗外嘅郊外風景,列 車好快就帶領我哋去到七尾市嘅和倉溫泉｡ 和倉溫泉有超過1200年歷史,溫泉水質淡味無色 ,非常適合初次體驗又或者係一家大細｡或者和倉溫泉嘅泉水平平無奇,但配合埋七尾灣嘅無 敵海景就一定令人嘆為觀止｡ 和倉溫泉最傳統嘅溫泉旅館一定要數加賀屋,若然你想望住海 景浸私人溫泉嘅話,就不妨考慮臨海嘅溫泉旅館｡ 就係咁樣,｢一泊兩食｣嘅溫泉之旅正式開 始｡趁日落之際,喺房間享用海景嘅私人風呂;晚餐時段,係日本傳統嘅和式料理, 和倉溫泉 主要都係見到本地遊客,溫泉街亦都唔會太商業化,正正適合鍾意享受寧靜同自然嘅遊客｡ 白鷺之湯能登海舟 地址:石川縣七尾市和倉町ﾜ 部31番地 #日本好去處#求好旅友#想飛賞飛#金澤#金澤自由行