旺角韓式大排檔佈景餐廳，穿越首爾拍韓劇感覺！🥰

Bingo & Cook 🍽亞皆老街8號朗豪坊10樓21-26號舖旺角韓式大排檔，食完似韓劇女主！🥰 朗豪坊原來有間咁韓風既餐廳！一入去即刻有種置身韓國街頭嘅感覺！室內設計仿足韓式大排檔，播住韓國pop songs，氣氛濃到爆，好似穿越咗去首爾咁！坐低嗰陣真係覺得自己係韓劇女主角，勁有feel，影相打卡一流！❣️🇰🇷 🍴 餐前小吃：泡菜一坐低就有免費小盤泡菜奉上，酸度啱啱好，微辣帶脆，開胃，食完即刻有食韓餐嘅心情！ 🍤 海鮮 & 五花肉三合 $340 呢個真係打卡必選！海鮮同五花肉，份量夠晒share。仲有店員好貼心幫手處理，海鮮去晒殼，五花肉剪好晒，服務滿分！鮑魚、魷魚、帶子、蝦新鮮彈牙，五花肉油香四溢，燒完同韓式醬料伴住一齊食，濃香入味，滿足感爆棚！📸✨ 🥞 海鮮煎餅 $148 韓式煎餅做得好正宗，外層煎到金黃香脆，內裏軟糯有海鮮鮮味，咬落有蝦、魷魚有蔥香，配埋韓式醬油點，簡單又惹味！ 🍗 蜂蜜黃油炸雞 (全份) $198 韓食點能無炸雞！全份炸雞外皮脆卜卜，裹上蜂蜜黃油嘅甜香，仲灑咗一層芝士粉，咬開熱辣辣又juicy，甜甜鹹鹹再加芝士嘅濃香，味道夾到爆💛 🍯🫖 蜂蜜大棗茶 $38 飲品揀咗蜂蜜大棗茶，暖笠笠端上枱，大棗味濃郁，混咗蜂蜜嘅甜香，飲落暖胃又舒服，解晒炸雞嘅油膩感，好match嘅收尾！ Bingo & Cook 環境韓味十足，食物質素高又有驚喜，服務仲貼心到爆！無論係鍾意韓式燒烤定煎餅炸雞嘅朋友，嚟呢度食餐飯好似拍緊韓劇咁正，旺角搵食，值得一試！👍😋 #BingoAndCook #旺角 #韓式大排檔 #cafe #香港美食 #相機食先 #食好西 #食評家 #食評 #mongkok #mongkokfood #hkfood #foodshare #hkrestaurant #topcitybiteshk #hkfoodie #hkfoodblogger #foodiehk #igfoodie #igfoodiehk #foodiehongkong #hongkongfoodblogger #hongkongfoodie #hkigfood #hkigfoodie #韓式料理 #韓國 #韓國美食 #九龍美食 #Foodie #輕鬆出遊 #沉醉櫻花海 #喵汪零細菌 #偽素顏美肌攻略 #浪漫旅人祭 #旅行手信推介 #ucreator #打卡美食 ...更多