【太二酸菜魚】｜很差體驗的訂位系統

彷彿未試過未食一間餐廳就寫，佢嘅訂位體驗實在太差，唔分享唔得！ 首先，想訂位嘅時候，Openrice 嘅訂位系統係寫網上訂位系統暫停，跟住亦都冇電話嘅資料，上網搵到電話，打去係冇人聽嘅～ 之後響 IG 見到有人寫咗一個訂位方法，係一個由麥客（mikecrm）提供的訂位系統 https://taierxiaoerge.mikecrm.com/1Q245sx，上面寫逄星期日更新嚟緊星期一至星期日嘅訂位，我 click 吓，午市得12點 / 晚市得5點，我以為因為已經俾人訂晒，冇其他 timeslot，咁就等星期日啦！ 因為知道每日1030 會更新系統訂位，我就 mark 好 calendar 再 set 好鬧鐘提自己要去系統，佢好勁㗎，仲識得倒數，點知！1030 完全冇更新個訂位系統！嗰吓個腦飛出一句「認真你就輸了」！ 到咗11點幾，見到更新咗啦，原來個系統真係午市只可以訂1200，晚市只可以訂1700，哈！ 跟住再睇返 openrice，某D 分店又出返可以訂位，某D 又冇，可以訂位時間係1200 - 1800。 Hmm... 其實成個訂位過程令人感覺好差，如果個系統寫得咁清楚，訂座咁火爆，不如寫清楚呢個系統只可以訂1200及1700！另外，講到咁清楚1030系統更新，但又唔係更新到，唉～我都唔識得講啦！最後，個系統晚市得1700，係咪有D 攪笑呢？ 冇嘅，只係我已經完全失去晒想試嘅動力，佢咁多客，冇話有咩影響，恭喜！可能係我會錯失食到 ‘’有機會‘’ 好食嘅酸菜魚（根據網上評價），但我完全唔會覺得後悔哦～ 體驗感受 💥💥💥💥💥 🔍太二酸菜魚，香港 追蹤我的IG：tracyloveliving  #完全唔掂 #訂位系統好差 #認真你就輸了 #唔會想去食 #算吧啦 (此文章由U Blog 同步發佈至社群)