《親子/拍拖/療癒❤️皆宜》好玩自助烘焙店

🙋🏻‍♀️我坦白,我一向係毒藥製作者｡我煮野食好容易就會失敗｡曾經最可怕係製作過香蕉朱古力奶變左一pat💩咁, 但係咁樣既我挑戰呢個自助烘焙都尚算成功既話, 對各位正常人黎講, 應該就輕而易舉啦😆 首先自助烘焙就顧名思義自己用佢啲工具搞掂, 佢會提供個iPad step by step 咁教你做｡如果有唔明既話, 我問職員佢地都好樂意幫我既｡自助烘焙有度好既就係, 烘焙呢家野其實真係要好多工具同要洗好多野｡你去呢種舖頭, 佢所有材料､工具都有齊不特止, 仲要有人同你洗果下好嘛🥰 放喺度既工具就咁拎就用得, 周圍環境好企理, 佢係洗好晒先放上架俾大家用｡最amazing係成日要用到既蛋白同蛋黃佢都幫你分埋🫶🏻方便度勁高! 如果你想自己分佢都有蛋你用既, 放心! iPad指示好清晰, 連我都睇得明｡可惜經驗就真係經驗, 其實我今次都整得唔係好成功｡明明係熊啤啤我就控制唔好, 搞到佢塊面變左長方形, 變左連體bear🤣 不過最後用刀幫佢做左手術後, 其實都見得下人呀😆 味道就因為真係跟足佢份量, 一定會好味既｡所以連我都係隻bear既面形問題既話, 大家就一定冇問題架啦! 現場我見有拍拖､有親子､有中學生､有個人高手, 由於要book既關係, 一定有位你坐｡同埋雖然一整就要幾百蚊, 但我隻bear都要整兩個鐘, 又有得玩又有得食, 其實都抵玩🫶🏻 想去既可以去以下網址預約👇🏻 https://bakeyourown.simplybook.me/v2/ 店舖:BYO 旺角店 | MK Centre 旺角登打士街56號家樂坊1405室尖沙咀店 | TST Centre 尖沙咀彌敦道132號美麗華廣場1期B126-30舖佢個官網仲有好多其他款㨂架, 有興趣可以去睇下, 期待你哋既傑作🤩 #浪漫旅人祭 #輕鬆出遊 #ucreator #好去處 #ucreatorhk #momentswithucreator #翻譯君本地分享 #打卡好去處 #親子好去處 #親子活動 #拍拖好去處 #拍拖活動 #拍拖有咩做 #烘焙 #烘焙店 #打卡甜品 #旺角好去處 #尖沙咀好去處 #港玩港食 ...更多