2024/10/16

又食又玩啤酒節 @ Prime Rib ( 屯門青山公路1號香港黃金海岸酒店 )

又食又玩啤酒節 @ Prime Rib ( 屯門青山公路1號香港黃金海岸酒店 )

疫情前有多個受歡迎的外國節日，香港人投入感都好高，除了聖誕節及萬聖節外，德國啤酒節相信會有好多人識，只可惜一個疫情將整件事打沉了，但畢竟是一個幾有趣的活動，所以屯門黃金海岸今年又載譽重來。今次同上年一樣，地點設在 Prime Rib 餐廳區。而且設有自拍區，大家可以邊飲啤酒邊照相。另外最開心係有攤位遊戲同電子遊戲，玩完仲有獎品，隨時可以拎隻黃金海岸酒店專用杯。話明啤酒節，又點可以無競飲遊戲？今次好彩贏個鼻，有套靚靚瓷碟套裝拎返屋企。不過遊戲只在周末及周日舉行，大家可要注意啊！大家喜歡既，可以用$168係兩小時內，無限暢飲 Hoegarden、Frabziskaner、Löwenbräu同藍妹。至於食物，當然以德國菜名物主打。德式風乾肉和芝士拼盤（斑馬火腿、辣肉腸、煙豬頸肉、莎樂美腸芝士及蝴蝶包）（$188）好豐富的一個拼盤，cold cut同芝士都有最啱送啤酒。香炸德國啤酒雞翼配雜菜沙律及燒烤醬（$138/8隻）酒店除了自助餐的BBQ雞翼正之外，想不想雞翼都有水準，伴以清新爽脆的沙律，正好清清味蕾。德國啤酒薯仔湯配農夫包（$88）濃稠的啤酒薯仔湯放在農夫包內，蘸了湯的麵包帶來很豐腴的口感，食一個真係可以當一餐。炸薄牛仔肉配粗薯條（$348）個人覺得做得好好，牛仔肉敲成薄片，蘸脆漿再炸，外層酥化，內裡軟熟，送啤酒啱晒。薯條是即叫即炸，熱辣辣又酥化，無得輸。德國咸豬手伴酸椰菜薯蓉及蝴蝶包（$308），若然加配德國烤香腸配酸椰菜都只不過$398，豬手膠質重，吃點酸椰菜平衡一下最啱。魚皮煎得香脆的香煎三文魚柳伴煙肉時令蔬菜及烚薯（$308），對於不愛牛肉的朋友是多了一個選擇。而半隻燒雞伴酸椰菜葉薯蓉及蝴蝶包（$238），雞皮好香，食落好正，雞肉部分位有點結實，蝴蝶包是啤酒節的常客，當然有埋一齊。甜品是蘋果蘇卷配雲呢拿汁（$98），一切開已傳來陣陣的蘋果香氣，澆點雲呢拿汁更添芳香。而車厘子黑森林蛋糕（$98）又是必食，內藏了漬過的車厘子，甜美中有回甘的感覺，我鍾意。當然不能少了德國芝士餅（$98），幼滑的口感，濃郁的芝士香，的確令人吃不停。 Facebook專頁 : Hong Kong Gold Coast Hotel 地址 : 屯門青山公路1號香港黃金海岸酒店大堂電話 : 2452 8636 味道 : 4 環境 : 4 服務 : 4 衛生 : 4 抵食 : 5 位置 : 3 IG : foodiephilip 小紅書 : 美食焚化爐希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip #屯門 #酒店 #德國啤酒節 #香港黃金海岸酒店 #Gold Coast Prime Rib #美食焚化爐 (此文章由U Blog 同步發佈至社群)...更多