週六鬆一鬆 嘆高質意日Brunch

週六係時候放鬆心情🤭， 嚟呢間充滿日系風格嘅餐廳鬆一鬆嘆一嘆，佢哋有個週六限定Brunch Set，同時可享用到意大利風情菜式及日本料理，每位$498 🥗Starters有成7款咁多可以share🤩 • Edamame 先嚟個枝豆熱下身先😙，枝豆灑上薄鹽，豆香清新，餸酒一流 • Burrata Caprese 香脆薄片夾住水牛芝士及車厘茄，底層仲有幼嫩BB菠菜，清新可口 😋 •Vitello Tonnato 薄切烤牛肉口感嫩腍，牛味濃郁😋，配搭吞拿魚沙律醬及小酸豆，特別得嚟又幾夾👍 •Tuna Tartare 吞拿魚他他鮮甜肥美，配意大利青瓜醬更加清爽，同薄脆片一齊食，好夾😙 • Agedashi 豆腐外皮香脆，裏面厚實並帶濃香豆腐味，襯上小豆苗及蘿蔔蓉，索埋個清香湯汁一齊食，簡單中食出真味😋 •Hon Maki Selection 有油甘魚小卷及三文魚牛油果卷兩款，三文魚配牛油果絕對係我哋嘅心頭好，而油甘魚小卷亦相當肥美😙 • Gyoza 豚肉餃子，炸得外皮脆卜卜，餡料juicy，創意醬汁係麻辣沙律醬，好惹味😛 🥩 Mains 每人一款 • Wagyu Tagliata (+$66) 和牛炭烤味濃，但亦掩蓋不了和牛嘅香濃味道🤩，生熟度剛好，juicy，口感一流，配菜有帶着濃郁松露香嘅滑溜薯蓉以及爽嫩蘭花苔😃 • Seabass Saikyo Yaki (+$148) 西京燒嘅做法，有淡淡嘅甘甜味道，同時又有海鱸魚嘅鮮香，肉質嫩滑油脂豐厚，配以醃漬子薑及小豆苗😍 • Cheese Wheel Al Tartufo 廚師會喺客人面前即值表演🧑‍🍳，將煮好嘅短管麵放在巨大嘅芝士輪上面，將餘溫融化芝士同時撈混，並毫不留手地將大量嘅松露薄片灑上意粉面🤩，形成一道邪惡又美味嘅意粉；短管麵非常Q彈有口感，索汁一流，醬汁喺帶着濃厚嘅松露香以及芝士味😋 🍨Dessert 呢個咁大份量嘅甜品當然係開心share喇，我哋揀咗👇 • Italian Platter Tiramisu 質地超級鬆軟幼滑，有酒香，朱古力味亦濃香😋；Peach Panna Cotta 質地幼滑，味道甜甜；鮮果雪糕杯內有雲呢拿雪糕之餘仲有好多不同款式嘅生果😃 🍸Highball chivas$130 飲落唔會太搶喉，淡淡清爽酒香加細膩嘅氣泡，令人有輕鬆嘅感覺😇 🍹Co-Matchy $70 非常吸睛，味道帶抹茶香 ，酸甜平衡，清爽配搭🥰 環境氣氛令人好放鬆坐得舒服，食物質素高，而且服務態度亦非常之好。 📍Honjokko 鰂魚涌英皇道979號太古坊濠豐大廈2樓The Sixteenth #日本菜 #brunch #Saturday and Sun Brunch #意大利菜 #fusion菜 #太古美食 #Honjokko #The Sixteenth (此文章由U Blog 同步發佈至社群)