2024/12/12

🎏東涌開餐🫖采悅軒YUE❄️冬日限定原味臘味飯🔥

香港東涌世茂喜來登酒店嘅中菜廳【采悅軒】‼️主打創新而又不失傳統嘅粵菜,包括巧手點心､經典小菜等等,亦會推出節日或者季節限定款式臨近冬天,采悅軒推【冬日暖意美饌】,例如原味臘味飯､菊花燴蛇羹､枝竹羊腩煲等等,啱晒而家凍凍地嘅天氣食❄️ 餐廳裝修走現代中國風,擺放大量藝術品,襯托桃花心木紋餐桌坐椅,高貴時尚,靠窗位置仲有無敵海景,坐係呢度食嘢都幾舒服㗎✨ 🔸原味臘味飯每位 $138 以為兩位用就會一碗碗上?原來係用瓦煲上㗎,除咗即叫即整熱辣辣之外,臘肉､臘腸､潤腸都俾得勁多,仲有埋飯焦添🤩冬天食啱晒 🔸柚子蝦餃(三件) $78 外型賣相似粒柚子真係超得意!點知食落真係有柚子味,再加埋蝦餃嘅爽彈口感,好特別 🔸椒鹽鮮魷 $138 即叫即炸熱辣辣,調味做得唔錯,炸粉唔會太厚,新鮮魷魚爽彈有口感 🔸貴妃香(三件) $78 外型似荔枝,淨係打卡都夠吸引📸咬落好香脆,入邊原來係奶黃流沙,餡料好香蛋黃味 🔸迷你馬拉盞(三件) $78 馬拉盞做得好鬆軟,面頭仲要有杏仁片,熱辣辣食暖笠笠 🔸天鵝酥(三件) $78 天鵝酥其實就係芋頭酥,入邊嘅餡料好多,好香芋頭味,咬落去口感鬆軟 🔸乳豬拼盤 $398 乳豬拼盤就有乳豬､叉燒､海蜇,幾款都做得好出色,乳豬皮夠脆肉質夠嫩,叉燒厚度切得啱啱好,而且係半肥瘦口感,海蜇夠爽彈 🔸楊枝甘露 $88 楊枝甘露係每位叫,用料好足,見到芒果､柚子､西米等等嘅材料都好多,而且質感做得啱啱好唔會好稀,食完餐飯食返個甜品,酸甜酸甜感覺好滿足 📍采悅軒 YUE 東涌怡東路9號香港東涌世茂喜來登酒店2樓 #circle_life #circle_foodie #blogger #hongkongblogger #bloggerstyle #香港美食 #香港美食日記 #香港美食推介 #香港美食地圖 #香港美食分享 #香港美食推薦 #東涌 #東涌美食 #東涌世茂喜來登酒店 #采悅軒 #采悅軒中餐廳 #原味臘味飯 #菊花燴蛇羹 #枝竹羊腩煲 #特色點心 #海景酒店 #海景中菜廳 #拍下珍貴時刻 #幾飽都要食埋甜品 #靚住過聖誕 #聖誕打卡 ...更多