日本京都自由行——宇治抹茶提拉米蘇

嚟京都當然要食抹茶!!今次試咗好特別嘅抹茶提拉米蘇,出發前已經覺得佢賣相好可愛,好想試~初初以為係純cream,點知原來佢層次好豐富,最底係濕潤嘅抹茶海綿蛋糕,中層有濃厚嘅馬斯卡邦尼奶酪,頂層灑滿抹茶粉｡食落口非常綿密順滑,抹茶嘅苦同奶酪嘅甜嘅平衡得幾好,唔會太甜得嚟抹茶味幾出~ 另外我地仲叫咗凍抹茶同抹茶Latte,配搭一份和菓子｡行到攰有得安安靜靜坐下,嘆返個甜品,飲杯野真係好幸福｡ 背景資料: 抹茶屋2015年喺京都河原町開設第一間分店,佢使用京都老字號品牌｢森半｣嘅抹茶,致力生產高品質日本茶,深受客人歡迎｡ 小趣聞: 照片中嘅宇治抹茶提拉米蘇係用一個小木盒(?)咁嘅容器裝住,其實佢係一種叫做｢枡｣嘅日本傳統器具｡日本喺701年定立大宝律令,制定度量衡,用嚟量度米､油､豆､鹽等嘅食材,後來亦發展成裝清酒嘅容器｡大部分枡使用檜木製造,會帶有陣陣木香｡所以呢個甜品可以話係傳統同創新嘅結合,西式甜品做法配搭傳統器皿同食材,幾有心思~ 地點:抹茶館(京都產寧坂) 地址:京都府京都市東山區清水3丁目337 交通:於京都車站乘搭巴士前往~好多架都可以㗎!! #日本 #旅行 #旅遊 #京都 #抹茶館 #抹茶 #kyoto #日本旅遊 #京都旅遊 #日本景點 #旅行日記 #京都景點 #travelblogger #japantravel #travelblog #旅行景 #抹茶甜品 #japan #travel #京都抹茶 #kyototravel #京都甜品 #抹茶ﾃｨﾗﾐｽ #相機食先#chill賞遊世界 (此文章由U Blog 同步發佈至社群)