✨養和醫院開刀生產記錄  ✨

一直想寫反出嚟做記錄，但餵奶泵奶換片無限loop嘅湊仔生活真係無時間，直到呢刻Covid陽同仔隔離😂 Check In拎到半私家嘅落地大窗房，聽姑娘講係第三好views架😆我等上房聽到👂後一個人問，已經無哂大窗房lu，如果想知間房係點嘅就去IG度睇啦 (膳食篇) 5日4夜有餐單供揀食咩，但因為我開刀嘅關係，第一晚只有食粥，第2日可以食爛飯🫠我揀咗梅菜蒸魚，實在唔習慣食甘嘅質地濕到喊嘅飯，我情願食粥😭Dr.Tay(我主診)有話第二日其實我乜都食得，所以我就叫老公落canteen買份三份治同蛋糕比我食 因為夜晚，乜蛋糕🍰都賣晒，得反呢個斑蘭蛋糕，本身唔鍾意個陣味，所以真心覺難食🙃 第三日由all day breakfast 開啟😍好耐無食過煙三文魚啦，勁開心🥳之後食咗楊州炒飯、焗豬扒飯、沙嗲牛肉通、叉燒貴妃雞飯、京都豬扒飯⋯煲仔飯老公食咗覺得無傳嘅甘好食😂 其實醫院d粥真係煮得幾好食，魚片、牛肉同肉片粥都食過，配埋炒米粉都幾正㗎🤘🏻 （開刀篇） 上到房做抽血、檢查同填寫5日4夜三餐食咩，我就衝左去沖涼洗頭🚿 想呻個風筒吹到頭髮勁毛燥🤡 原本3點開刀，但聽姑娘講11月1日係好日，所以好多人生BB做唔切 終於到捲起自己，由麻醉師cindy係背脊打針🫢個腦會閃過打歪咗會半身癱瘓之類，好在姑娘會同我吹水分散下注意力 對腳慢慢無感覺，想舉都舉唔起🙂Dr.Tay一路同我吹水Setup，到差唔多先放老公入嚟坐我隔離陪我 望住前面高舉嘅藍色手術布，聽住奇怪嘅噠噠滋滋聲，身體不時嘅拉扯感，清醒甘比人劏開個肚呢個認知，已經分唔到係驚定因麻醉副作用，令到我個人震震地🤯連野都講唔到，好在老公好用力握住我隻手，真係安撫到㗎 然後唔知隔咗幾耐，就聽到Hayden 嘅喊聲，Dr .Tay驚訝😦甘重甘大隻嘅😂聽到喊聲個下，無情由甘感動到喊咗，老公剪完臍帶無耐就被請走，而我要縫合反肚皮，搞左差唔多2個鐘先上反房，嚇死我老公，以為我後尾有乜事 第一晚插咗尿喉，因為子宮收縮ing，你幻想下佢好似氣球🎈撐大包裹BB甘耐，而家要收縮反，嘩🥲真係好X痛 住半私家房係因為大房係無得陪床，我覺得陪床好細張，唔想老公甘辛苦，所以都淨係叫老公陪2晚🤣點知Dr.Tay巡房話，正常呢幾日要人陪落地行下 我好叻女，落地無乜特別，痛就實有，不過無暈無嘔，行得走得係慢啲啫，後尾見其他人，真係要人扶住行，我就諗係Tay手勢好，定我忍痛能力一流！？ 產房姑娘大部分都好Nice，頭2日每隔3個鐘就會將BB推到我房比我埋身，之後2日就要自己去接BB反房or去哺乳房我個仔超大食，因為未上奶，埋身佢會喊到拆天，次次都要搵姑娘幫手，個個姑娘都知佢惡死😈兼塊面好好肉地好好掐 5日4夜埋單17萬有找，Touchwood BB好輕微黃疸無需要照燈，因為疫情下傾向唔會帶佢去健康院，基因代謝篩查同聽力測試呢啲都比錢做埋 到出院反到屋企先知，原來醫院係最後嘅天堂，不過好在有陪月日頭幫手湊，而家2個月啦，好在老公學得仲叻過我，同陪月分別教工人點輔助我，真係好感恩 #新手媽媽 #養和醫院 #剖腹產 #剖腹 #newbornhk #newborn #生仔 #媽媽日記 #新生兒 #hkbloggerlife #生仔紀錄 #懷孕媽媽 #缷貨成功 #開刀生產 #開刀生仔 #養和 #半私家房 #mamahk #covid陽 759/2200 #新手媽媽 #養和 #生仔 #hkbloggerlife #養和醫院 #剖腹產 #新生兒 #剖腹 #懷孕媽媽 #開刀生仔 #mamahk #媽媽日記 #newborn #newbornhk #生仔紀錄 #缷貨成功 #開刀生產 #半私家房 #covid陽 (此文章由U Blog 同步發佈至社群)