大推💕上環素食私房菜@寶彩軒

💋母親節黎個找「素」私房菜 平時既星期日係休息既 只有母親節及農曆新年既星期日先會開既晚市 我呢個孝順媳婦抓緊機會試試佢😚 早左約一星期訂檯 無須先比訂金😘真係講個信字！ 由於係私房菜 所以一律準時七點開始 疑似餐廳老闆？經理？勁識so 蘇 😌講明不時不食 不計食物成本  最緊要味道好 客人滿意 就係餐廳既原則 可能因為咁 今次既大餐大家都相當滿意😋 仲飽到要打包拎走 真係非常推薦～～～🫶🏻 每位 HK$428  兩位起 （茶/水每位$20另加一服務費） ⍥ 寶彩歡喜拼盤 拼盤最開心，咩都有啲可以試勻幾款🤣總共六小碟，基本上全部都好食，其中我最喜歡炸猴頭菇及話梅蕃茄仔😌 ⍥ 御品養心松茸燉湯 呢個燉湯真心掂！勁勁勁熱而且超超超足料🥰冬菇、松茸、腰果、栗子、猴頭菇等！完全飲得出係真材實料👍🏻飲完㷫烚烚🤣 ⍥ 三絲腐皮卷 賣相靚晒😚甘筍、木耳、酸蘿蔔及青瓜絲之類，腐皮好有豆味，食落好清新🙌🏻 ⍥ 招牌即燒厚切叉燒（配荷葉包） 叉燒其實係麵筋，再加啲叉燒醬落去，賣相已經有九成似😆聽（老闆？）講所謂既「燶邊」係由欖角畫出黎！刈包+清甜菠蘿+叉燒呢個組合無得彈🥰難怪史生叫我返屋企整比佢食！ ⍥ 法邊豆竹蔗苗 呢個無咩特別，就係清清地既蔬菜😂 ⍥ 日式海苔酥卷 呢個好好食！！白飯包住啲甘筍呀醃蘿蔔之類，炸得勁鬆脆香口😋口感豐富又唔油膩，蘸啲啲無蛋素既芥末醬仲昇華左，疑似（老闆？）仲好好人，拎個碗仔再比多幾舊我地🤭 ⍥ 焗釀芒果三色藜麥 芒果季🤗估唔到唔係用黎整甜品！每人半邊和暖芒果，盛載住好有飽腹感既藜麥，芒果既清甜爽利仲成功balance到飽滯感，一啲都唔怪，反而少少似食緊芒果糯米飯😂！！ ⍥ 健康薏仁麵 以為藜麥係主食？😅我都被騙啦！呢個健康薏仁麵個樣似足公仔麵，但炒得非常乾身！！一啲油膩感都無，幾好食架奈何實在太飽，唯有打包啦🤧 ⍥ 生磨腰果露 留肚食糖水😌腰果露香噴噴熱焫焫，好杰而且眼見仲有啲粒狀，雖然未夠滑溜，但咁樣更加證明係足料生磨！而且甜度極低😚非常岩我地。 ⌂  寶彩軒 (上環) 上環德輔道中279號豐和商業大廈2樓 ┈┈┈┈┈┈┈ ✄ ┈┈┈┈┈┈┈ #hkig #hkfood  #852美食 #hkfoodshare #eatgoodwest  #foodforlife #foodlover #hkfoodblogger #ufoodphoto  #相機食先 #美食分享 #美食日記  #香港美食指南 #美食地圖 #吃貨人生 #hongkongfood #母親節 #母親節快樂🌹 #happymothersday #happymotherday #私房菜 #素食 #素食料理 #素 #上環 #上環美食 #慶祝  #母親節 #慶祝 #素食 #上環 #hkig #私房菜 #相機食先 #foodlover #hkfood #hkfoodblogger #美食地圖 #美食分享 #上環美食 #美食日記 #素 #hongkongfood #ufoodphoto #happymotherday #吃貨人生 #素食料理 #hkfoodshare #香港美食指南 #foodforlife #happymothersday #852美食 #eatgoodwest #母親節快樂🌹 (此文章由U Blog 同步發佈至社群)