2024/01/23

彷彿回到7、80年代舊香港！復古懷舊雞煲火鍋店！

成間舖每個角落都係打卡位，連餐具器皿都係阿婆嗰個年代用嘅😂 一路播住舊廣東歌，成個食飯嘅氣氛都好好！如果有人生日，仲會敲鑼敲鼓咁樣播中式生日歌慶祝！同場其他枱嘅食客又一齊唱生日歌，非常正😍🥳 🤣我哋惠顧當晚有四檯客生日播咗四次～呢度係掃QR code自助落單，雞煲全部可以揀辣嘅程度，仲可以揀走芫荽走蔥等等個人喜好選項😍 啱晒我！我要走芫荽🥶🤣 🥘如果同蕃薯妹一樣好鍾意食雞翼嘅話，必定要試吓佢哋個〖招牌無骨鳳翼釀雞煲〗，成個雞煲入面全部都係雞翼🤩而且仲要冇骨啖啖肉！雞翼入面釀咗墨魚滑、甘筍粒，增加口感好好食！有得揀大細size，2-3人食就叫個細嘅啱啱好。 🍲食完個雞煲就加湯打邊爐，店員會問你要加豬骨湯定係要雞湯？佢哋話豬骨湯會比較濃味啲，我哋揀咗豬骨湯🥰 🐮仲有佢哋嘅另一個招牌菜〖龍鳳呈祥牛肉拼盤〗，一碟有晒手切牛肉、牛肉粒、雪花肥牛、牛舌片、牛胸油、牛柏葉，每樣都有六七片！牛肉嘅質素好高非常軟嫩🥰 特別係手切牛肉，油花靚，牛味濃，勁鐘意！🥰 🥟呢度有幾款即制手工餃子，我哋揀咗比較特別嘅〖五香肉丁餃〗，真正港式風味！咬開好香五香肉丁味，好特別👍🏻 🥬〖豐盛雜菜拼盤〗真係好豐盛😂 有粟米、蕃茄、白蘿蔔、蓮藕、黑木耳、金菇、筍、娃娃菜、唐生菜、油麥菜。份量多！啲菜都好新鮮，最驚喜係白蘿蔔，放咗落去雞煲個湯底煲淋咗之後勁甜😍 🐟〖白鱔片〗一碟有成10片，都幾厚肉，煮熟後厚實爽口無泥腥味，唔算多骨～連本身唔鍾意食鱔嘅同行朋友都有食咗幾片！😆 🍺生啤500ml有三個選擇，全部買四送一！ ============ヽ(○´∀`)ﾉ♪ ✰招牌無骨鳳翼釀雞煲（細） $278 ✰龍鳳呈祥牛肉拼盤（細） $338 ✰龍鳳呈祥豐盛雜菜拼盤 $128 ✰即制回味五香肉丁餃（6粒） $78 ✰白鱔片 $98 ✰Blue Girl生啤 500ml $88（買四送一） ✰Hoegaarden生啤 500ml $88（買四送一）呢個份量我覺得可以3人食😆 💵人均約 $420 Follow Me on Instagram : @lovelykawaii_missmeow 龍鳳呈祥火鍋雞煲 (尖沙咀) 📍尖沙咀加拿芬道16號金輝大廈2樓 #龍鳳呈祥 #雞煲 #雞煲火鍋 #火鍋 #hotpot #hotpothk #火鍋晚市 #打邊爐 #食咗先講 #蕃薯妹周圍食 #全民打卡企劃 #打卡美食挑戰 #hongkong #香港美食 #美食 #食好西 #美食探店 #香港美食探店 #香港好去處 #foodies #foodiesblogger #foodieshk #foodblogger #hkfoodieblogger #openrice #hongkongfood #hongkonggirl #foodpics #hkfood #ufoodphoto #ufoodvideo #尖沙咀美食 #尖沙咀 ...更多