🌟餐廳:熊貓燙火鍋 (One Avenue卓悦中心店)
📍地址:深圳福田福華路346號崗廈城B1層B19
💰價位:~$100 - $200
⏰營業時間:星期一至日11:00 - 22:00
📱電話:19925326239
黎到凍冰冰既冬天,又係時候返內地搵一d #特色火鍋店 取取暖同大刷一餐👅今個週末,我又去左福田遊樂,交通便利之餘,仲比我搵到呢間萌爆既「熊貓燙火鍋」🌟主打進口和牛肉既 #川式風味火鍋 ,而且店內外装飾及陳設全部都用上 #國寶熊貓 為主題,創意十足🤟🏻🤟🏻
———————————————————
🔹火鍋醬料區
提供18種火鍋醬料,款式應有盡有,如辣椒油、蒜蓉、沙薑、沙茶醬、陳醋、蔥花、芫茜等等,最特別仲有自家炒制惹味香濃既菌皇醬及海鮮元貝醬,隨意配搭出心水既火鍋醬料,夠哂齊全!
———————————————————
🔹創意三味熊貓鍋底 (手打番茄+牛油麻辣+營養骨湯)
3種口味拼鍋可以試盡唔同口味,超正~我地就最鍾意 #牛油麻辣湯鍋 ,除左麻辣配料齊全外,更加入特色可愛 #熊貓造型牛脂 ,加入湯底香氣撲鼻,用黎淥牛肉超級夾~
———————————————————
🔹招牌M9雪花和牛
擺盤精緻,以乾冰營造特別效果,好吸晴!M9雪花和牛油脂分佈均勻,口感細嫩,牛味夠突出,性價比十足。
———————————————————
🔹M6雷花和牛
M6雷花和牛霜降雪花賣相相當吸引,一入口充滿濃郁牛肉味及牛脂香氣,輕輕淥10幾秒就食得,夠哂滋味!
———————————————————
🔹澳洲甄選肥牛
鍾意食肥牛既朋友岩哂,呢款澳洲甄選肥牛帶點嚼勁,牛味亦夠濃郁,食得好滿足~
———————————————————
🔹多多午餐肉
呢款多多午餐肉用上心型造型,夠哂sweet~午餐肉厚薄適中,我就鍾意加入麻辣湯鍋淥制,索滿香辣麻香味~
———————————————————
🔹水果口紅鴨血
成個化妝盒既造型上菜,精緻又優雅~水果口紅鴨血紅噹噹,Q彈晶瑩剔透,大火煮9分鍾後,索盡湯鍋精華之餘,又滲出淡淡水果香氣,入口滑順,大推!
———————————————————
🔹熊貓上樹竹筍
超可愛既擺盤~一支支翠綠鮮竹筍插在冰盤上菜,搭配可愛熊貓公仔,猶如置身竹林一樣,夠哂意境既菜式~竹筍爽脆鮮甜,味道清新又健康~
———————————————————
🔹小發炮貢菜
爽脆既貢菜以透明玻璃盒盛載,造型美觀~貢菜夠哂爽口,營養價值豐富,清熱解毒,值得一試!
———————————————————
🔹青豆竹綠千張
另一款以竹荀形狀賣相賣相既豆腐皮~豆腐皮煙靭之餘,豆味相當突出,放入鍋中熬煮後,吸滿湯底既精華,入口湯汁四溢,大滿足~
———————————————————
🔹手工扯麵
手工扯麵由店員即場拉制表演,儀式感十足~扯麵夠闊身,入口有嚼勁,我就自家調製香醋蔥花及芫荽伴麵,別有一番滋味!
———————————————————
🔹菠蘿手打檸檬茶
食熱辣辣嘅打邊爐又點少得嘆番杯餐廳自家製作嘅手打檸檬茶呢,呢款菠蘿手打檸檬茶,用上大熱嘅香水檸檬,香氣撲鼻,飲落清新又解渴,必試!
———————————————————
😋味道:4/5
🏢環境:4/5
💁🏻♀️服務:4/5
💵價錢:4/5
🤟🏻性價比:4/5
———————————————————
👅整體小總結
餐廳主題以可愛熊貓主題搭配翠綠嘅園林竹景,用餐環境氛圍舒適寫意,店外有熊貓互動表演,而且部分店還有熊貓跳舞,夠哂可愛!
食物方面,主打既 #創意三味熊貓鍋底 有齊各款湯底,配料高質性價比十足,非常適合閨蜜聚餐、情侶約會、家庭聚餐!
#熊貓燙火鍋 #深圳美食