極之 真鯛白湯拉麵 🤤

作為一個拉麵控，小編都會去搵一啲新開或者人氣拉麵店試吓！最近發現長沙灣新開左一間拉麵🍜店，主打有蠔湯，冇理由唔去試吓啫🌝 🦪🍜極之 真牡蠣醬油拉麵 $99 雖然聲稱係醬油拉麵，但個湯底用咗大量嘅蠔打碎煮出嚟，蠔嘅🦪味道好出，好濃，每一啖都食到蠔嘅味道同鮮味😍配料方面有慢煮叉燒、糖心蛋、醬漬牡蠣同半殼醬漬鮑魚，醬漬牡蠣好飽滿，慢煮叉燒真係好出色，慢煮火候啱啱好！半殼醬漬鮑魚味道就甜甜地，而且餐廳處理鮑魚嘅時候已經去除咗內臟，食既時候就可以大啖大啖咁品嚐到嫩滑鮑魚肉🤤🤤 🐟🍜極之 真鯛白湯拉麵 $98 真鯛白湯拉麵可以話係出乎小編意料之外，有別於牡蠣拉麵，真鯛白湯湯底更加鮮甜，而且經過長時間嘅熬煮，湯底嘅味道都好濃厚！小編今次就揀咗餐廳推介嘅微微辣，餐廳真係絕對冇介紹錯，因為個種微微辣非常惹味，帶起左湯底嘅鮮味🤤呢個拉麵嘅配料有溏心蛋、慢煮叉燒、鯛魚片同炸魚皮，鯛魚片唔單止唔腥，無骨之餘仲好滑，有啲驚喜🤭 餐廳嘅拉麵🍜有兩款可以揀，一款係幼白拉麵，第二款係粗黃拉麵。幼白拉麵有少少似一蘭拉麵嘅粗幼度，比較易掛湯。而粗黃拉麵就比較有咬口同嚼勁！大家去到就可以根據自己嘅喜好去揀拉麵🍜嘞🤗 🥟炸雞皮餃子 $28 雞皮餃子，入面係豬肉嘅餡料。第一啖咬落去會食到雞皮油香嘅味道，然後慢慢就會食到豬肉餡料嘅味道。呢個都幾特別，唔係度度食得到。 🧃信州有汽蘋果汁$29 呢個有汽蘋果一開就已經聞到好香嘅蘋果味，鍾意蘋果汁嘅朋友❤️可以去試吓🤭係幾香甜嘅 小店有個優點，就係好方便到餐廳同顧客嘅溝通交流。小編見大家買單嗰陣，職員都會主動咁問對拉麵滿唔滿意或者有咩意見咁。小編就好欣賞餐廳同廚師🧑‍🍳力求進步嘅精神🫡同埋可以交流下對食物🥘既期待，希望小店可以繼續努力，等小編都可以愈嚟愈多好東西食😚 @kyoku_ramen 極之拉麵 (長沙灣) 📍長沙灣元州街399號喜漾地下2號舖 #foodiehkcouple #foodiehkcouple長沙灣 #foodiehkcouple日式 #gogofoodie #KTfoodie#hkfoodie#hkfoodies#foodiehk#foodhk#hkfood#hkfoods#hkfoodblogger#hongkongfoodies#hongkongfoodie#hkfoodlover#hongkongfood#foodiehk#週末好去處#拍拖好去處#情侶好去處#香港美食指南#香港美食日記#香港美食#香港好去處#長沙灣餐廳#長沙灣好去處#UCreator#打卡美食#隱世打卡點#好去處#全新景點#chill#祝大家生日快樂#MOMENTSwithUCreator#BESTFOODwithUCreator