希臘乳酪芝士蛋糕店Lanala 🍰 呢間蛋糕店完全係我杯茶,因為我好鍾意食Greek Yoghurt😋 而用Greek Yoghurt整嘅芝士蛋糕比一般Cheesecake更加輕盈清新,無咁肥膩,罪惡感大大減低😈 呢度有多款水果芝士蛋糕,款款都精緻吸引😍我今次試咗兩款:
🍰日本士多啤梨希臘乳酪芝士蛋糕($98)
蛋糕以玫瑰花瓣作點綴,賣相充滿少女心 🌹 用上日本士多啤梨,果味同香味都特別突出,結合士多啤梨乳酪及果醬,整個食起來士多啤梨味道好香濃🍓餅底亦做得香脆,芝士蛋糕甜度剛好,入口輕盈🧀碟上仲配有蜜糖,帶出天然甜味,好食 🍯
🍰火龍果芒果希臘乳酪芝士蛋糕($88)
好少見到以紅肉火龍果入饌嘅蛋糕,咁特別一於一試🤗蛋糕層次分明,由紅肉火龍果果凍、芒果果凍、希臘乳酪、忌廉芝士而成☺️火龍果本身味道比較低調,但就恰好平衡咗忌廉芝士嘅膩感。整體味道層次豐富🥭
加點咗兩杯咖啡☕️咖啡水準不過不失,不過呷一杯咖啡,食一啖蛋糕,過一個悠閒下午,樂事也😌
PS. 呢度如果點茶,仲可以自己揀一Set靚靚茶杯同碟🍵不過由於呢度係供應Tea WG @teawg 茶包,我屋企隨時有得飲嘅關係,我就冇點到啦😛
.