3rd Space (上環) 上環差館上街16號地舖 假日約了友人食lunch，好耐冇出去食飯了，難得聚下揀了一間特色的CAFE-3rd Space，經過幾次都無緣幫襯，今次終於可以一試，因為唔想等，訂位最方便。 店面牆上壁畫甚有街頭藝術之感。 小小的店子，簡約設計，店外及內堂的牆身也有壁畫作品，令其添上了藝術色彩。 用餐時間70分鐘 最低消費$90/位 設加一 餐牌，招牌是班戟，一於試下，及叫了主食，開心些牙。 Cappuccino，$38，好靚的拉花，味道不俗。 招牌芝士厚班戟全日早餐，$125，人氣之選，份量十足，招牌係班戟，一於試下，有蜜糖伴食，厚身的班戟，口感鬆軟，內餡有半溶的芝士，芝士唔算太濃郁，味道平均，鹹鹹甜甜，都不俗，配料有牛油果、沙律菜及蕃茄，清新之感，太陽蛋煎得靚。 24小時浸煮鮮豚肉角煮慢煮蛋穀米茶漬飯，$120，個名好長！ 有個食法教學:把茶漬鰹魚湯倒入飯內，把慢煮極上蛋拌進飯裡，豚肉口感鬆化入味，加入鰹魚湯易入口，味道清香。 招牌燒海鹽忌廉麻糬班戟(伯爵茶味)配北海道牛乳雪糕及水果，$98，班戟口感鬆軟，有淡淡的伯爵茶味，內餡有煙韌的麻糬，口感豐富，配上軟滑的海鹽忌廉食鹹甜味道有層次，幾好味呢。 甚有藝術之感的店子，食物不俗，坐得舒適，服務態度有禮，有下次之選。 走時欣賞下外牆打下卡。