一次滿足！刺身｜壽司｜羊腩煲｜雞煲

同朋友聖誕聚餐，所以揀咗大瀛喜依間餐廳。雖然我今日唔想食刺身呢啲生冷嘢，不過呢一間餐廳除咗日式刺身之外，仲會有唔同嘅熟食，所以就算唔想食生冷嘢嘅話，都可以食得好開心。 佢裏面熟食選擇好多，自助區裏便會有雞煲，炸鮮奶等等。QR code點單裏便會有牛肉壽喜燒，羊腩煲，芝麻雞翼，蟹粥同埋海鮮鍋等等各式各樣嘅熟食。雖然佢係日式放題，但係佢嘅選擇多到完全唔似只係日式。而且令人出奇嘅係佢每樣嘢嘅味道都整得唔錯。 當中亦都有啲幾得意嘅嘢，例如原隻蒸生蠔，隻蠔只係開左一半，所以要自己開埋另一半，令到成件事好有參與感，都玩得幾開心。 大瀛喜日本料理 (旺角) 旺角彌敦道655號5樓 #大瀛喜日本料理#大瀛喜#日料#旺角#旺角餐廳#旺角美食#旺角餐廳#放題#香港放題#旺角放題#任食#香港任食#旺角任食#旺角日式#彌敦道