性價比高120分鐘任食火鍋

之前幫襯過呢個連鎖火鍋放題嘅尖沙咀店，覺得性價比好高！前兩日去埋觀塘店幫襯，環境更新同大，超多火鍋配料選擇，而家仲新加入鮑魚等食材任食，係我食過最多配料/小食/飲品選擇嘅任食火鍋！仲有得任食Häagen-Dazs雪糕，勁正！ 如果係食午市火鍋放題，有4小時任飲任食，超多時間！晚市就有2小時任食，都好足夠！晚市火鍋火題有3種價錢，我哋揀咗中間價位嘅，一至四$288/人～ 有10款火鍋湯底選擇，鴛鴦湯+48　。 🥢火鍋湯底 🔺牛站秘製麻辣鍋 🔺清甜椰子雞鍋 揀咗鴛鴦鍋，麻辣鍋自家製，揀咗小辣都好夠香辣！椰子雞鍋足料有椰子肉、紅棗同雞髀肉，幾清甜！ 🥢牛肉 🔸SRF美國極黑和牛 🔸美國安格斯牛板腱 🔸手切封門柳  🔸美國牛肩胛 試咗呢幾款牛，都幾濃肉味同滑嫩！最推係呢個價位必食嘅美國極黑和牛，好大一塊，有油脂香又唔會太肥，淥到變色就食得，香嫩可口！ 🥢海鮮 🔸鮑魚 🔸蜆 🔸帆立貝 叫咗少量海鮮，新鮮！爽口！彈牙！ 🥢火鍋配料 有超多火鍋配料選擇！丸類有比較特別嘅鹹蛋流沙丸、麻辣湯包、芋泥貢丸、貓爪型蝦丸等，又有台灣鴨血、豬紅、墨魚滑、海鴨蛋福袋、手包蝦肉雲吞等等，得一個胃試唔晒🤣 全部都質素幾好，好啱食！ 🌟任食雪糕 第二個胃留返食雪糕雪條！有Häagen-Dazs雪糕，味道都有幾款，又有老虎堂黑糖珍珠雪條、韓國蜜瓜雪條等等，好多選擇！ 呢間連鎖火鍋店質素高，價錢又合理，性價比幾高！平時好鍾意打邊爐嘅朋友都大讚👍🏻 幾推介鍾意食火鍋放題嘅朋友仔試吓！ #火鍋 #麻辣火鍋 #火鍋放題 #觀塘美食 #任食火鍋 (此文章由U Blog 同步發佈至社群)