觀塘阿杏飯團🍙
之前已經聽朋友講過阿杏飯團好好食+飽肚,一於去試下!店舖位於駱駝漆大廈地下,係好受歡迎嘅小店!飯團同埋飲品嘅選擇都非常多!
去咗附近觀塘海濱度食,我哋嗌咗兩個飯團+兩杯嘢飲,飯團嗌咗美式雜扒(有豬牛雞)同埋鹹蛋雞扒,嘢飲嗌咗橙意滿滿同埋黑糖珍珠奶茶!
飯團使用紫糯米飯,除左口感非常煙韌,更加有陣淡淡既甜香,配搭上豐富既沙拉醬汁,肉鬆,同脆片,食落甜中帶鹹,軟熟得黎又有脆,層次十分豐富!如朋友所講,真係好飽肚,因為飯量好多,我食咗半個已經飽😂
#打卡美食 #九龍美食 #觀塘美食 #觀塘必食 #觀塘 #阿杏飯團 ...
更多
下載 U Lifestyle應用程式
香港經濟日報版權所有©2025
