Travel Buddies後疫情英國遊記‧GH @ Koalascities

自從香港放寬檢疫措施，抵港後無需在檢疫酒店隔離，真係多左好多港人出走，繼10月(2022年)Travel Buddy界大阿哥，有「Travel Buddy界旅遊王子」和「藍神 Blue God」之稱的Stitch，聯同仍然係「菜鳥Travel Buddy」既Kate the Koala，係在下Koala閞學前出走大阪後，今次輪到Gumdrop the Koala和Hoyee the Koala樹熊兄妹，再次陪同兄長飛到英國Recharge一下。 G & H係英國既後疫情遊記，亦摿先係Koalascities (^O^)!推出，成為2023年的首篇遊記博文，唔知大家有冇發現，手持回力標既Hoyee the Koala，就係Koalascities (^O^)!本年度Logo，係度又要多謝Aimee姐！ 真係好耐冇去旅行喇！終於等到政府宣佈「0+3」，Gumdrop同Hoyee兩兄妹又可以跟兄長去倫敦玩喇！ 今次都係喺多哈轉機，適逢世界盃喺卡塔爾舉行，即使夜晚十一點，個機場都仲係人頭湧湧... 抵達倫敦，G & H有幸可以乘坐今年五月先通車，以英女王伊利沙伯二世命名的Elizabeth Line到市中心（好掛住事頭婆呀！） 一場嚟到Paddington車站，梗係要同Paddington Bear個銅像影番張合照啦！ 今次會先入住位於Earl’s Court的YHA青年旅舍，環境寧靜，但係都好近地鐵站 第二日到啱啱十月先開幕的Battersea Power Station參觀。呢座Grade II* listed的法定古蹟，已經搖身一變成為大型商場 去完Battersea Power Station，再到前身係Bankside Power Station的Tate Modern，Turbine Hall正展出智利藝術家Cecilia Vicuña的作品 "Brain Forest Quipu" 臨近聖誕，倫敦好多公共地方都佈置得五光十色，G & H都忍唔住喺The Ritz酒店外留影 位於倫敦南部Forest Hill的Horniman Museum都好值得一去，館內收藏了十九世紀茶商Frederick John Horniman三萬多件由世界各地收集得來的藏品 之後幾日入住位於倫敦北部Wood Green的Green Rooms，房間簡單舒適 入夜後Hoyee喺New Bond Street Ralph Lauren外面棵聖誕樹留影 第二日到King’s Cross Coal Drops Yard行街，聖誕期間呢度仲有冰壺玩添！ 最後一晚地鐵Piccadilly Line竟然停駛，唯有由Trafalgar Square坐巴士返酒店啦... 話咁快七日六夜旅程就完結，希望快啲又有得去旅行啦！ 伸延閱讀 2022日本大阪重新出發！ Travel Buddy相集 香港「0 + 3」檢疫安排分享 【31/12/2022 更新】 Travel Buddies倫敦、曼徹斯特旅遊記‧GH @ Koalascities Travel Buddies法國旅遊記。GH @ Koalascities Travel Buddies英倫旅遊記‧GH @ Koalascities #英國 #倫敦 #Travel Buddy #卡塔爾 #Paddington Bear #Trafalgar Square #英國遊記 #Gumdrop the Koala #Hoyee the Koala #Travel Buddies後疫情英國遊記 #後疫情遊記 #多哈轉機 #Elizabeth Line #Battersea Power Station #Tate Modern #Horniman Museum #King’s Cross #Piccadilly Line (此文章由U Blog 同步發佈至社群)