印度菜之《咖哩葉》

印度菜之《咖哩葉》 失驚無神試新野，話說未試過印度菜，咁就同化妝拍檔，落左公司樓下食，點知有d驚喜，呢間印度菜之《咖哩葉》，職員都係印尼人，要用英文溝通，餐廳都有少少印度特色，餐廳坐位好舒服， 羊肉餃子(10隻) $88：皮薄餡正，羊餡好大舊，仲好香羊騷味，食羊肉我覺得要騷， 印式咖哩黑紅豆$ 98：初初頭幾啖食入口唔算辣，但食到一半就要少少辣，黑紅豆好有咬口，配薄餅點汁食同撈飯食，最正， 牛油薄餅 $28：十分香口，唔會好油膩，口感煙煙韌韌， 呢個印度菜Lunch都幾好食，價錢亦唔算貴。 咖哩葉 佐敦茂林街16-18號茂林商業大廈地下 #foodie#hkfoodie#hkfoodblogger#美食當前#食咗先講#咖哩葉#佐敦#印度菜