土瓜灣咖啡小店，主食甜品都好味？

Heysonuts 📍土瓜灣北帝街147號地下3號舖 今次我地過黎土瓜灣上朋友屋企玩,佢介紹佢屋企樓下有間coffee shop都幾好食,叫我地過開黎去試下,一場黎到就梗係信佢啦😗 餐廳規模屬於小店形式,門口既沖咖啡位亦都係廚房,可以見到佢地整野食,廚房都好整潔,呢樣野加唔少印象分👍🏻 手打西冷牛肉原隻大蘑菇漢堡配薯條($156) 呢個漢堡size適中,有好多芝士,磨菇上已經有芝士粉,牛肉上又有一塊芝士,佢塊牛肉幾厚同好多肉汁,d薯條又夠脆,最令我覺得驚喜係個包,係有焗過,食落好香包味同埋脆卜卜既🍔 自家製喇沙汁海鮮扁意粉($138) 喇沙味既意粉真係未試過,餐牌上有個手指公推介,想信都係唔錯,而食落又真係幾夾,佢d海鮮都好豐富,有蜆有蝦有魷魚,勁多料,所以個意粉都充滿好正海鮮味🍝 提拉米蘇日式梳乎里班戟($104) 呢個pancake賣相幾靚,件pancake好鬆軟,咖啡醬係自己加上去,都幾濃既咖啡味,旁邊仲有d朱古力醬同餅,好味😋 榛子鮮奶咖啡($44) 間舖叫heysonut,梗係叫番杯hazelnut咖啡啦,個拉花拉得幾靚,榛子味比較濃,入口幾滑,咖啡味幾好唔算好苦☕️ 白桃手搖冰茶($48) 呢杯冰茶又幾大杯,佢個甜味係來先白桃既果香甜,飲落唔覺佢飲係落糖漿,飲落好清爽🍑 呢間小店朋友真係冇介紹錯,食物飲品都有水準,員工服務都幾好有禮貌,唔怪得我黎食既時候都幾旺場要等一陣位😛 #美食#美食推薦#美食日記#香港美食#土瓜灣#土瓜灣美食#咖啡#咖啡店#香港咖啡#香港咖啡店#漢堡#梳乎厘#榛子#hkfood#hkfoodie#hkfoodblogger#hkfoodblog#hkfoodstagram#hkfoodlover#hkfoodpic #西餐廳#打卡美食#Foodie#CAFE#假期推介