琵琶湖之旅•彥根

🚍往彥根城方法 由彥根站出發去彥根城，可以買呢隻“ご城下巡回バス”彥根市內放題1日卷🎫，只需要400yen，單次搭都要210yen，搭兩次來回都已經抵番條數🤑，可以直接响巴士上購買，非常方便👍， 入彥根城仲可以享有割引添🤑 不過我哋就選擇徙步🚶‍♀️，因為徒步其實都唔係行好遠，去彥根城及夢京橋城堡大道大概只需要15-20分鐘，可以邊行邊周圍睇下嘢，不知不覺好快就到 夢京橋城堡大道 位於彥根城鄰近護城河嘅街道，散發着濃厚江戶風情嘅步行街，長約350公尺，沿途有手信店、餐飲店、甜點屋等；我哋响一間叫做千成亭嘅店舖，買咗近江牛可樂餅，可能當日天氣太差⛈️，人流特別少，可樂餅外皮硬得嚟又唔脆，仲一啲牛味都無，唔係幾好食；嗰度除咗可以買可樂餅之外仲可以買出名嘅近江牛，可以shabu shabu又得sukiyaki又得，同時亦有厚切size嘅燒肉 本來打算參觀彥根城，可惜天公不造美，落大雨又行雷，咁啱又有啲肚餓，所以响附近搵咗間性價比超高，食刺身丼嘅地道食堂醫肚 可能係…全日本性價比最高嘅刺身定食🤑 呢間名為魚浩嘅民生食堂，只係1100yen就有個刺身定食(有8款海鮮)，有4款醃漬小食、一碟天婦羅及鮮魚骨雜菜味噌湯， 刺身新鮮、醃漬小食好有農家風味、天婦羅現炸冇得輸，連個味噌湯都超鮮甜，性價比超高，老闆娘又好好人，完全感受到當地人嘅人情味；店舖門前擺放著生及熟嘅海鮮食物； 如果大家都想嚟試下嘅話，要注意一下食堂係從側門入內，此店真係好 值得推介👍 入住日本總有一間响附近嘅連鎖式商務旅館，你又住過幾多間呢😝？！ 東橫INN是一間日本商務酒店集團，由於總部設於東京與橫濱之間嘅蒲田，所以命名為「東橫」，現有超過250家分店，呢間酒店最大優點通常座落於鄰近車站，甚至出站即達，同時亦提供免費簡單早餐，可讓商務客或旅客食飽後元氣滿滿再出發 今次我哋住呢間東橫inn响彥根站東口，徒步大概要7分鐘，價錢8900yen double room，房間都係與一般東橫inn大同小二，乾淨企理，早餐方面以快速商務旅館嚟計彥根站呢間都算比較多款式，性價比高 齋睇文章唔夠真實，有片有真相，鐵定5月19日晚上9時有片睇🎬，敬請收看 魚堅日記YouTube channel 第4話📺 #琵琶湖 #日本自由行 #日本自由行攻略 #刺身定食 #東橫inn #彥根城 (此文章由U Blog 同步發佈至社群)