2021 年深水埗美食推介：「密密燒」串燒BBQ放題

最近有朋友分享喺官塘旺場嘅「密密燒」現已進駐深水埗。「試食親善大使」當然唔會錯過呢次機會為大家報料。餐廳位置於長沙灣，深水埗一帶，去開旺區搵食的話，就會覺得唔「就腳」，不過正因為咁，餐廳空間夠大，環境寛敞，坐得幾舒服，加上抽氣充足，衛生方面絕對係最高級別。 > 「密密燒」位於深水埗東京街，離長沙灣地鐵站4分鐘步程。交通唔係太方便，不過幾易泊車！?(笑) 「密密燒」為無限任食，食物寫單任叫，飲品自取，當中有好少見的日本啤酒，加錢可以轉任飲生啤。餐廳員工每次都鼓勵客人落單唔需要點大多，鼓勵大家做「惜食行家」。加上用 QR Code 落單，餐廳確實為環保出力。 > 任食2.5小時，掃DR Code，起碼唔使成枱嘢。 講到食物真係冇話可說。首先係烤爐設計讓食材不斷轉動，防止食物水份烤乾，所以食物烤完後仍然保留肉汁。食材又新鮮，牛肉有牛肩胛、西冷、牛板腱多種選擇，其他肉類都有細分各種類。香腸的味道亦不是出面串燒店就食得到，雞軟骨和鴨舌唔係細細粒，烤後脆脆地幾好食。 > 鴨舌亦是少見食材，用燒烤方法亦出奇好食。 > 烤爐分上下格，將熟食放上格，可以防止食物烤過熟，保留肉汁又可以慢慢品嚐。 蔬菜選擇多，首選菠蘿、蒜頭和秋葵，菠蘿燒後帶點酸甜，非常醒胃，朋友真係食咗好多。個人比較喜歡烤蒜頭，一來比較少見，而蒜頭亦多食有益。在菜單中亦感受到老板對食物質量及客人健康考慮都幾堅持。其實，識食都要食得健康，新鮮肉類簡單只用幾粒鹽，就能帶出鮮味。 > 忙住傾計，燒到蒜頭有點過熟。不過蒜味充足，喜歡食蒜頭的話一定喜歡這種食法。 任食2.5小時，每位$250有找，朋友話不收加一，性價比極高。每枱備有自拍桿，只可以講老板真係好識做宣傳。👏👏👏 初時以為「密密燒」類似韓式燒烤，所以冇大冀望，不料喜出望外，烤爐設計令食物味道加分不少。唯一缺點是沒有特色食材，讓客人記在心。 冀望你的訂閱。 #尋找你的旅行背包 #尋找隱藏美食攻略 #放題 #美食推介 #小店 #食。深水埗 #尋找你的旅行背包 #尋找隱藏美食攻略 (此文章由U Blog 同步發佈至社群)