居酒屋vibe嘅café

喺一個噤舊式屋邨裡面竟然藏住咗一間咁正嘅cafe，今日嚟食lunch，一行入去我以為自己去錯咗居酒屋，呢度啲環境、燈光、氣氛係好與別不同。朋友早嚟到，佢話今日唔特別多人，仲有得坐二人卡座，行到入去坐低我仍以為自己身處居酒屋。 Marshall音箱係播住啲八九十年代嘅日本歌，例如係安全地帶嘅酒紅色的心呀，竹內瑪利亞嘅OH NO OH YES呀，老餅如我就最欣賞。 睇睇個餐牌，佢唔會俾好多好多選擇你，但啲嘢係「精」嘅，同埋日系嘅。 我哋要咗Cream cheese croissant、芝士火腿croissant、胡麻醬沙律、tonic 咖啡、mocha沙冰，最後仲加咗個卷蛋做甜品。 啲牛角包幾正，酥脆得嚟你唔會感覺到佢漏，唔係俾牛油主宰咗佢，夾嘅餡都係穩穩陣陣嘅選擇，另一款牛角包我哋冇叫到係夾日式炒麵，如果下次再嚟都可以叫嚟試試，另外啲食物嘅選擇係厚多士呀，關東煮呀，飯呀，等天氣冇噤熱再嚟食過。 飲品係非常美味，聽講呢度啲咖啡係好出名，只係我自己唔係一個咖啡人，所以我飲mocha沙冰囉，唔緊要，總有機會再嚟我係會試嘅。 個沙律俾到驚喜我，佢嘅配搭有慢煮雞胸肉、冰菜、秋葵、海帶海帶、山藥，比我想像中大碗。 甜品係味道比較淡咗啲，如果卷中間啲cream都係伯爵茶味就正喇。 總括嚟講好喜歡呢個地方，好chill，非常期待下次再嚟。 #呵護肌膚好物